Sanidade mantense á espera das analíticas para tomar unha decisión sobre o matadoiro
Por Redacción
A Xefatura Territorial de Sanidade en Pontevedra encóntrase á espera dos resultados das analíticas que se realizaron ás canles, os corpos de animais que permanecen dentro do matadoiro municipal para decidir o seu destino. As análises, solicitadas por Sanidade á empresa concesionaria, foron realizadas a través dun laboratorio privado.
Segundo a Xunta de Galicia a medida de pechar cautelarmente o matadoiro débese aos "numerosos incumprimentos dos procedementos habituais sanitarios que supoñen un quebranto das obrigas operativas, de hixiene e estruturais" por parte da empresa concesionaria do servizo.
A Inspección de Sanidade indica, a través dun comunicado, que existe "un risco de seguridade alimentaria, non podendo garantirse no momento da inspección a calidade sanitaria das carnes obtidas no establecemento, situación que podería poñer en perigo a saúde dos potenciais consumidores". Coa intención de garantir a seguridade sanitaria decidiuse realizar unha comprobación microbiolóxica para determinar se poden ser liberadas as pezas de animais que se encontran nas instalacións para o consumo.
O xefe territorial de Sanidade en Pontevedra, Ángeles Feijoo, indicou que o empresario do matadoiro remitiu parte dos certificados de ensaio e que se está á espera de de que remita os boletíns de ensaio que faltan. "Mentres non teñamos eses resultados poderemos tomar ningunha decisión sobre o destino das canles", indicou Feijoo.
Relacionadas:
-
A empresa concesionaria do matadoiro entra en concurso de acredores
Por Oskar Viéitez |
-
Preocupación entre os traballadores ante a falta de noticias sobre a reapertura do Matadoiro
Por Oskar Viéitez & Mónica Patxot |
-
Sanidade retira o precinto da carne retida, pero mantén pechado o matadoiro
Por Natalia Puga |
-
O goberno local indica que a Xunta continúa sen notificarlle o peche do matadoiro
Por Redacción |
-
Afectados polo peche do matadoiro denuncian "daños irreparables" e defenden a calidade da carne precintada
Por Natalia Puga |