Afectados polo peche do matadoiro denuncian "daños irreparables" e defenden a calidade da carne precintada
Por Natalia Puga
Gandeiros, comerciantes, propietarios particulares, distribuidores e, de modo indirecto, tamén os negocios de hostalaría e restauración. A lista de afectados polo peche preventivo do matadoiro municipal é interminable e boa parte deles uniuse para manifestar as súas críticas á forma de actuar da Xunta de Galicia, que lles causou "daños irreparables".
En nome da comisión de afectados fala o avogado José Malvido, que denuncia non só o precinto do mércores día 30 de abril, senón o novo revés que recibiron este sábado os donos das máis de 100 reses que quedaron precintadas dentro das cámaras frigoríficas do matadoiro.
A Xunta comunicáralles que ás 10.00 horas da mañá se coñecerían os resultados das análises realizadas sobre a carne e, se estaban en boas condicións, se levantaría o precinto. Alí agardaban todos coa esperanza de poder levarse as súas reses e poder colocalas no mercado aproveitando o tirón do sábado, pero finalmente a única resposta que tiveron é que os resultados definitivos tardarán 24 horas máis, de modo que as reses seguen precintadas e non saben ata cando.
Algúns dos propietarios xa dan por perdida a carne e sinalan que xa non a poñerán na canle de distribución porque "solo sirven calidad y esa carne ya no reúne sus estándares. Estará buena, pero ya no es la mejor". Outros non decidiron o que farán, pero que si teñen claro que o dano está feito, pois tiñan moitos encargos para esta fin de semana motivados pola celebración do Día da Nai para particulares e restaurantes e eses pedidos non puideron servilos nin poderán recuperalos.
Este sábado tiñan que coñecer novos análises ás 10.00 horas e finalmente non llos entregaron nin saben cando os terán
Ata o momento non decidiron que tipo de medidas van tomar, pois teñen pendente unha reunión o próximo luns, pero estes afectados están "muy molestos" e non descartan emprender algún tipo de acción contra a Xunta de Galicia porque "no se han hecho las cosas bien y el problema está generado". Sosteñen que non saben quen, pero alguén ten responsabilidades nesta situación e que as reses non saben se están retidos de forma alegal ou ilegal, pero "desde luego, sí insensata e injustificada".
O matadoiro precintouse por supostas irregularidades nas instalacións detectadas nunha inspección á empresa Carnifex. Este colectivo cre que os argumentos esgrimidos pola Consellería de Sanidade para adoptar a medida"no son razones lo suficientemente importantes para tomar una decisión de esta naturaleza", pero, de todos os xeitos, respectan a decisión da Xunta. Co que discrepan totalmente é con que ademais de precintar o propio matadoiro se decidise precintar as reses que foran xa sacrificadas e estaban nas cámaras.
"No puedo entender y nadie me ha dado una justificación de por qué se precintan unas cámaras con reses que ya habían sido sacrificadas el día anterior y tenía todos los certificados de calidad, tenían el sello, habían pasado todos los controles", declara o avogado dos afectados. Sinala que foron técnicos da propia Xunta os que certificaron a calidade desa carne o día anterior e que non se deu ningún motivo para que os novos técnicos que precintaron o matadoiro tamén impedisen sacar esa carne.
Ao respecto, explica que os seus representados son "los más interesados en que los productos reúnan los máximos estándares de calidad" e que unha vez que se cumpriu con eses estándares "no parece razonable" que se precinten unhas cámaras que non teñen nada que ver coas instalacións.
"Reses sacrificadas el mismo día ya están en el mercado de distribución"
Ademais, cuestiona as formas utilizadas, pois o matadoiro se precintou xusto o día anterior a un festivo, de modo que aínda que tivesen máis reses para sacrificar e, desta forma, atender os pedidos pendentes, xa non podían acudir ao día seguinte a ningunha outra instalación.
O precinto foi "sin razones" e a carne é "de calidade" e "cumple con todos los requisitos", de modo que se preguntan "¿qué sentido tiene retener esas reses?". Chaman ademais a atención sobre a situación da carne das reses que foron sacrificadas o mesmo día que as agora precintadas, pero cuxos donos xa se levaron e non quedaron nas cámaras do matadoiro. "Reses sacrificadas el mismo día ya están en el mercado de distribución. Si había algún riesgo en ese sentido, tendrían que haberse sacado del mercado, pero no lo hay. No se hizo, eso implica que no está mal" sinalan.
Como conclusión, indican que "no han fallado los ganadores ni distribuidores, sino los controles de la Administración" e que a Xunta actuou mal "desde el minuto cero" e con "falta de seriedad". "Nos molesta mucho que nos digan que somos un país de charanga y pandereta como el que describía Machado, pero es la imagen que damos", conclúe José Malvido.