O PSOE reitera o rexeitamento aos bolardos en Peregrina: "non consta informe da Policía Local que avale a súa instalación"
Por Redacción
O grupo municipal do PSOE en Pontevedra retoma as discrepancias que no mes de abril xurdiron por mor da colocación de bolardos na rúa Peregrina, concretamente na glorieta de Compostela. Neste caso a novidade é un informe que solicitaran á Oficina Técnica de Mantemento, Residuos, Limpeza e Transportes do Concello.
Segundo fan constar de acordo á resposta recibida recoñécese que non existe ningún informe técnico municipal que avale a necesidade ou conveniencia da instalación destes bolardos. "Tal e como sospeitabamos, á Oficina Técnica non lle consta ningún informe específico respecto diso e devanditos elementos de balizamento dispuxéronse a través dunha actuación ordinaria de mantemento viario en base a problemas detectados nesta zona peonil polo exceso de circulación rodada", afirmou o portavoz socialista, Iván Puentes.
"Non só carecen dun informe técnico que avalase ou recomendase a colocación destes bolardos, senón que nin sequera ábrense a acordar coa Policía Nacional outro tipo de solucións que permitan unha circulación áxil dos vehículos de emerxencias, como instalar bolardos retráctiles automáticos que baixen ao detectar as matrículas dos coches autorizados, ou facilitándolles unha simple chave para que os poidan retirar con rapidez", engadía en relación ás opinións contrarias que se produciron por parte de corpos de emerxencias e de seguridade.
Relacionadas:
-
O PP insiste na súa postura contra os bolardos da Peregrina, unha decisión "unilateral" de Lores que ve "inentendible"
Por Natalia Puga |
-
Lores, tras as declaracións do comisario: "Hai xente á que lle custa entender que o espazo público é para as persoas"
Por Natalia Puga |
-
"Ningunha barreira física vai impedir que a Policía Nacional continúe patrullando todas as rúas desta cidade"
Por Natalia Puga |
-
"Menos bolardos, máis policía", a petición do sindicato SUP ante o "desprezo" do goberno local cos bolardos
Por Natalia Puga & Mónica Patxot |
-
Os bombeiros de Pontevedra tamén rexeitan os bolardos da Peregrina
Por Mónica Patxot & Anxo Lourido |
-
A instalación dos bolardos na rúa Peregrina non foi unha medida consensuada
Por Oskar Viéitez |