Os socialistas demandan unhas festas inclusivas
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O grupo municipal do PSOE levará ao vindeiro Pleno unha moción na que lle esixe ao Concello de Pontevedra a adopción de medidas que garantan a participación das persoas con discapacidade nas cabalgatas, actividades de Nadal, Entroido e todos aqueles eventos que se se desenvolven ao longo do ano no municipio.
A proposición foi rexistrada este martes e presentada en rolda de prensa polo portavoz socialista Iván Puentes e o concelleiro Marcos Rey.
O PSOE solicítalle ao goberno local que estableza un acceso preferente para persoas con discapacidade física ou intelectual nas diferentes atraccións e actividades; que determine dúas horas diarias sen música e con luces fixas nas atraccións para o seu uso por parte de nenos con trastornos do espectro autista (TEA) e outros tipos de discapacidade.
Tamén pide un sistema técnico que permita que tódalas atraccións teñan a mesma música ambiente ao mesmo tempo; e un servizo de intérprete de lingua de signos na lectura dos pregóns, entre outras medidas.
Relacionadas:
-
Os buses lanzadeira a Montecelo rompen a unanimidade do pleno municipal
Por Alejandro Espiño |
-
Denuncian o "perigo" para ciclistas e motoristas coa "chapuza" na estrada Pontevedra-Vilagarcía
Por Oskar Viéitez |
-
O PP esixe a elaboración do primeiro plan de igualdade do Concello de Pontevedra
Por Oskar Viéitez |
-
O risco de gas radón nos centros educativos públicos será levado ao pleno municipal polos socialistas
Por María José Pita |
-
Buses lanzadeira gratuítos, solución proposta polo PP para subir ao novo Hospital Montecelo
Por Redacción |