Ata 47 actividades diferentes conforman a programación de verán en Sanxenxo
Por Redacción
A concelleira de Cultura e Eventos, Elena Torres, presentou este luns o programa de actividades para este verán do Concello de Sanxenxo.
Más de 47 actividades diferentes encherán os días de xullo, agosto e principios de setembro de propostas diferentes onde a música será protagonista, pero tampouco faltará a maxia, os contacontos, as exposicións ou o circo nin tampouco as tradicionais citas organizadas polos colectivos locais coa colaboración do Concello como a Muiñada de Soalleira (25 de xullo), o Mundial de Colchonetas (21 xullo), o Certame de Pintura Rápida de Arra (4 de agosto) ou a Festa Labrega en Bordóns (17 de agosto), a Festa da Ostra (9,10 e 11 de agosto) ou Sanxenxo na Historia.
O programa de man estará dispoñible a finais desta semana. O seu deseño foi realizado pola directora do Centro de Arte, María Vázquez, e inclúe elementos identificativos de Sanxenxo como o Atlante, a madama ou a capela da Lanzada, entre outros, en formato adhesivo para que se poidan extraer do programa.
A programación arrincaría o 4 de xullo e prolongaríase ata o 8 de setembro cun novo emprazamento, a Praza do Pazo, que se suma ao resto de localizacións do municipio. "É unha praza que nos vai dar moito xogo e que vai a acoller o Festivaliño, unha actividade nova coa que durante toda a tarde tanto nenos como maiores disfrutarán de música, cine e outras propostas lúdicas (11 de xullo), un espectáculo de maxia de Pedro Volta (15 agosto) e un concerto da Banda de Música de Sanxenxo e a Asociación Cultural Soalleira de Dorrón", explicou.
Outra das novidades do programa é o Ciclo de Maxia Internacional que percorrerá as distintas parroquias do municipio con espectáculos e magos diferentes ou o espectáculo musical Portugal no Camiño (31 de xullo), na Praza do Mar, co que se quere homenaxear aos miles de visitantes lusos que visitan cada ano Sanxenxo.
Torres destacou a recuperación da Concentración Mototurística Internacional Rías Baixas Sanxenxo co seu trixésimo sexta edición do 6 ao 8 de setembro como peche da programación de actividades estivais.
Tamén haberá nove exposicións diferentes que se poderán gozar durante os meses de xullo, agosto e setembro en espazos ao aire libre como a Praza do Mar, Fonte de Ramos e o espigón do porto ou na Sala Nauta.
Relacionadas:
-
Inaugurada a exposición de Carmen Hermo na Sala Nauta de Sanxenxo
Por Redacción |
-
Case 5.000 euros en premios para o noveno certame de pintura rápida de Arra
Por Redacción |
-
Os Carunchos ofrecerán en Portas un concerto do 30 aniversario dentro das actividades de Cultura no Camiño
Por Anxo Lourido |
-
Haberá 88 servizos de bus adicionais á semana entre Sanxenxo e Pontevedra
Por Oskar Viéitez |
-
Unha muller cae ao pantalán do porto de Sanxenxo e chama ao 112 co seu reloxo intelixente para pedir axuda
Por Diego Espiño |
-
Sanxenxo pon ao dispor de Sanidade dúas vivendas para médicos
Por Redacción |