Sanxenxo pon ao dispor de Sanidade dúas vivendas para médicos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Sanxenxo poñerá ao dispor da Consellería de Sanidade dúas vivendas no municipio para médicos que residan fóra de Galicia. Deste xeito, Xunta e Concello renovan o convenio, "subscrito con éxito en 2022 e 2023", desde o 1 de xullo e ata o 1 de setembro.
Neste período o municipio multiplica nalgúns casos por ata cinco a súa poboación e require un importante reforzo asistencial. Por iso, con esta medida temporal de alugueiro, buscan que a asistencia médica de veciños e turistas non se vexa mermada por este crecemento poboacional.
O custo do alugueiro destas dúas vivendas situadas en Miraflores e na Rúa Vidal Rocha, con dúas habitacións, un salón e un baño, é de 11.000 euros.
"Queremos que veciños e visitantes teñan a mellor asistencia sanitaria pública durante períodos como o verán, cando crecemento de forma exponencial a poboación. Funcionou en anos anteriores e repetimos", asegura o alcalde, Telmo Martín.
Esta colaboración, segundo indicou o rexedor, préstase de forma extraordinaria mentres non se solucione o problema latente de falta de médicos pola insuficiente convocatoria de prazas en Atención Primaria por parte do Ministerio de Sanidade.
Relacionadas:
-
Ata 47 actividades diferentes conforman a programación de verán en Sanxenxo
Por Redacción |
-
Reforzo de catro médicos de Atención Primaria para este verán en Sanxenxo
Por Anxo Lourido |
-
En xullo trasladarán a Sanxenxo a ambulancia medicalizada con base no Hospital do Salnés sen data de volta
Por Anxo Lourido |
-
SATSE alerta do peche de 92 camas este verán na área sanitaria
Por Anxo Lourido & Mónica Patxot |