Seis días de festa en Poio para celebrar San Xoán
Por Redacción
O Concello de Poio presentou este venres a programación das festas de San Xoán 2024, que se celebran do 22 ao 27 de xuño.
Segundo destacou o alcalde, Ángel Moldes, trátase dunha "programación moi completa", con propostas para todos os públicos, "que involucra a colectivos locais e que se leva a diferentes lugares do municipio".
O San Xoán arranca o sábado 22 coa lectura do pregón, da man do xornalista veciño de Campelo, Rafa Cabaleira, e a entrega dos premios aos mellores deportistas da tempada 2023-2024. O pasarrúas e a animación correrán a cargo de Máis Cantos e a Charanga 112. Este día, ademais, na Praza do Mosteiro actuará o Trío Arena.
As alboradas nas parroquias, pola mañá, serán a cargo das agrupacións locais Escola de Música Tradicional de Poio e Vides Novas.
O domingo, o alumnado da Escola de Música de Poio ofrecerá o seu primeiro concerto. Será na Praza do Mosteiro, ás 12.45 horas. Xa pola tarde, as Pandereteiras do Ronsel organizan a tradicional recollida de herbas de San Xoán.
Pola noite, a partir das 21.30 horas, na Seca celebrarase a sardiñada popular, coa música de Los Player e rematará co espectáculo de lume e prendido da fogueira.
O luns 24, tras a misa solemne na honra de San Xoán Bautista, coa actuación da Coral de Poio, celebrarase o concerto da Banda de Música de Marín, na Praza do Mosteiro.
Pola tarde, no Parque da Memoria, actuará o mago "Henriko o Feiticeiro", cun espectáculo para toda a familia ás 19.30 horas. A música pola noite correrá a cargo das orquestras Capitol e Miramar.
O martes 25 a Banda de Música Cultural de Arcade ofrecerá un concerto na Praza do Mosteiro, o Grupo Folclórico Vides Novas participará na Subida a San Martiño e a Escola de Acordeóns de Campelo ofrecerá un concerto na Praza de Arís.
Pola noite, Panorama e Gran Parada serán as encargadas de amenizar a festa na Seca.
O mércores, será quenda da Banda de Música de Redondela, que ofrece un concerto na Praza do Mosteiro, e da Escola de Acordeóns de Campelo, na Praza de Liñares. Pola noite, a verbena estará amenizada polas orquestras Kubo e Marbella, e rematará con fogos de lucería.
Este ano vólvese a organizar a festa infantil que se incorporou o ano pasado á programación de San Xoán, que será o xoves 27. Na Seca, desde as 18.00 horas, haberá inchables, escuma e animación musical con Javi Solla.
Por último, dentro da programación de San Xoán tamén se inclúe o Certame de Corais no Mosteiro de Poio, o sábado 15 ás 20.30 horas.
Ese mesmo día tamén se inaugurarán, no Mosteiro, as exposicións 'Arías Xidas', con pezas da Escola de Canteiros de Poio, e 'Maquetas do Patrimonio Cultural', do autor de Combarro José Manuel Magdalena Otero.
Estas exposicións son gratuítas para os veciños de Poio, que poden retirar os seus convites na Casa do Concello, no Casal de Ferreirós, Pazo de Besada e na Oficina de Turismo de Combarro. As dúas mostras poderanse visitar desde o 15 de xuño ao 8 de xullo.
Relacionadas:
-
Samieira recupera este 4 de xullo a verbena de San Antón cos Satélites e DJ Paco Vulkano
Por Redacción |
-
Poio inicia seis días de festa para recibir o verán a golpe de "tradición, música, cacharelas e gastronomía"
Por Redacción |
-
Poio habilitará nove aparcamentos disuasorios durante as Festas de San Xoán
Por Redacción |
-
Sen ruído nas atraccións de feira do San Xoán de Poio para adaptalas ás persoas con autismo
Por Oskar Viéitez |
-
"Festa rachada" por San Xoán en Caldas, con cacharela, 1.000 racións de sardiña, música e malabares con lume
Por Redacción |
-
Este San Xoán non haberá cacharela nin sardiñada en Eduardo Pondal
Por Redacción |
-
Mariachis e corais, oferta musical de Poio durante a fin de semana
Por Redacción |
-
RADIO.- A música coral sobe este sábado ao escenario do Teatro Principal
Por Redacción |
-
O Concello de Barro e colectivos veciñais alegan contra o parque eólico previsto no monte Castrove
Por Oskar Viéitez |
-
A Escusa mira o ceo para unha Subida con 70 pilotos rexistrados
Por Diego Espiño |
-
Do 8 ao 21 de xuño manterán aberto o prazo para pedir permiso de montaxe de cacharelas e grelladas no San Xoán
Por Redacción |
-
As praias de Poio quedarán listas esta semana para comezar a tempada alta
Por Oskar Viéitez |