O Concello de Barro e colectivos veciñais alegan contra o parque eólico previsto no monte Castrove
Por Oskar Viéitez
O Concello de Barro e varios colectivos veciñais veñen de anunciar que presentará alegacións ao proxecto do parque eólico previsto para o monte Castrove.
O alcalde de Barro, Xosé Manuel Fernández Abraldes, encargoulle aos distintos departamentos técnicos municipais o estudo da declaración de impacto ambiental e da solicitude de autorización administrativa previa enviadas por parte da Dirección territorial de Economía e Industria da Xunta de Galicia.
Este proxecto contempla a construción de catro aeroxeneradores dunha altura de 200 metros cada un e unha liña de evacuación de alta tensión para transportar a enerxía eléctrica producida ata a subestación do polígono de Outeda.
Alertan dende o Concello que esta liña de alta tensión produciría "un enorme impacto na parroquia de Curro, afectando a distintos núcleos de poboación". Para evitar esas afeccións á veciñanza, Abraldes convocará aos portavoces de todos os grupos políticos, co obxectivo de facer unha fronte común e acordar o rexeitamento unánime contra esta liña de alta tensión proposta neste proxecto.
Tamén a Asociación Petón do Lobo e a Plataforma "Non ao Parque Eólico do Castrove" estan sumando apoios para presentar alegacións entre a veciñanza de Poio, Meis, Barro e Pontevedra.
Este xoves, 6 de xuño, o proxecto do parque eólico do Castrove foi publicado no DOG polo que se inicia o prazo legal de alegacións de 30 días naturais.
Relacionadas:
-
Unanimidade da corporación de Poio contra o parque eólico no Castrove
Por Oskar Viéitez |
-
Alertan de que máis do 80 % das mámoas do Morrazo está en risco polos proxectos eólicos
Por Oskar Viéitez |
-
Reunión entre Luis López e Fernández Abraldes para falar dos investimentos da Deputación en Barro
Por Oskar Viéitez |
-
Seis días de festa en Poio para celebrar San Xoán
Por Redacción |
-
O PP non se une ao rexeitamento da corporación á "invasión eólica" nos montes de Pontevedra
Por Alejandro Espiño & Mónica Patxot |
-
Concentración na Peregrina fronte á ameaza da "invasión eólica"
Por Cristina Saiz & Anxo Lourido |
-
Convocan unha protesta en Pontevedra contra o proxecto de parque eólico no Castrove
Por Redacción |
-
Os técnicos sinalan o impacto visual do parque eólico do Castrove desde a cidade de Pontevedra
Por Oskar Viéitez |
-
O BNG pide nunha proposición non de lei a suspensión do parque eólico do Castrove
Por Redacción |