Coa chegada da calor, volven os xogos de auga do Paseo Alcalde Blanco
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os xogos de auga instalados no centro do Paseo Alcalde Blanco, en Marín, estarán de novo activos a partir desta fin de semana, para a que se agardan altas temperaturas.
A brigada municipal de augas xa estivo traballando para poñer en marcha de novo todo o circuíto, que funciona como un ciclo pechado no que a auga se recolle de novo a través dun sumidoiro para ser tratada e filtrada e poder usala de novo nos xogos.
Desde o Concello, lembran a importancia de facer un bo uso dos xogos para que a súa vida útil sexa a máis longa posible e se eviten problemas de atascos.
Nese sentido, poñen moito o foco en que está prohibido acceder con animais, debido a que o pelo dos mesmos acaba nos filtros e atasca o sistema.
Tamén é importante recoller os restos de globos de auga que moitas veces se atopan no desaugadoiro e que supoñen un problema para o circuíto.
Relacionadas:
-
Fin de semana de contrastes climáticos nas Rías Baixas coa entrada dunha dana
Por Redacción |
-
Volve 'Ruxe Marín' o festival de percusión afrobrasileira de Axé Bahía Batucada
Por Oskar Viéitez |
-
Marín renovará a conexión entre a Praza de España e o Paseo Alcalde Blanco
Por Redacción |
-
O Porto de Marín cederá para uso da cidadanía unha parcela cercana á entrada do Paseo Alcalde Blanco
Por Oskar Viéitez |
-
Xogos de auga e moita diversión para despedir os campamentos de verán en Marín
Por Redacción |