O Fondo Galego fortalece a cooperación coa rexión de Cacheu en Guinea-Bissau
Por Redacción
Varias recepcións institucionais na rexión de Cacheu pecharon a misión político-técnica do Fondo Galego de Cooperación e Solidariedade a Guinea-Bissau.
A delegación estaba integrada polo presidente da entidade e alcalde de Nigrán, Juan González; o vicepresidente e concelleiro de Cartelle, Daniel Fernández; ademais do alcalde de Cuntis, Manuel Campos, vogal na organización.
Durante a última semana percorreron diferentes puntos para comprobar os proxectos financiados en materia sanitaria e de auga. Regresarán este domingo 26 a Galicia, coincidindo co Día de África.
Durante as últimas horas, os representantes do Fondo Galego mantiñan un encontro con Lucía Piñón, segunda xefatura na Embaixada de España en Guinea-Bissau. Comprometeuse durante a entrevista para estudar a posible alieanza no marco do programa Erasmus+.
Tamén mantiveron reunións no Ministerio de Economía e co ministro de Administración Territorial onde mostraron a súa avaliación positiva dos proxectos impulsados desde Galicia.
A delegación tamén se entrevistou con representantes do goberno rexional de Cacheu, quen trasladou os principais problemas aos que se enfrontan. Neste sentido, alcanzouse o acordo de manter o apoio a medio prazo en materia de servizos sanitarios materno-infantís; formación de cadros políticos locais e rexionais e en materia de abastecemento de auga.
Desde 2020, o Fondo Galego financiou ata cinco proxectos cun total de 72.000 euros na rexión de Cacheu.
Relacionadas:
-
A Deputación achega 45.000 euros para tres proxectos en defensa dos dereitos das mulleres en Honduras e O Salvador
Por Redacción |
-
Cuntis avanza na limpeza e retirada de maleza en camiños, espazos públicos e beiravías
Por Redacción |
-
Cuntis recibe unha achega provincial para mellorar os accesos aos núcleos de Vilariño, Noval e Mesego
Por Oskar Viéitez |
-
Adaptan as urxencias pediátricas do Hospital do Salnés para que sexan máis acolledoras
Por Oskar Viéitez |
-
O Fondo Galego de Cooperación supervisa en Guinea-Bissau os proxectos de auga e saúde
Por Redacción |
-
O Fondo Galego adáptase á realidade post Covid-19 e fomentará a cooperación cos países do Sur
Por Redacción |
-
O Fondo Galego promove cinco proxectos contra a Covid-19 en Mozambique e Guinea-Bissau
Por Redacción |