As confrarías recibirán axudas da Deputación para gastos correntes ante a caída da produción
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/5bd/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6602f9b44c-20240326_confrarias_05.jpg)
© Deputación de Pontevedra
Luis López, presidente da Deputación de Pontevedra, prometía este martes que a institución provincial subvencionará, de maneira excepcional este ano, o gasto corrente das confrarías de pescadores.
Será na próxima orde de axudas do goberno provincial, dotada cun orzamento de 250.000 euros. Este diñeiro deberá destinarse a executar investimentos e tamén para afrontar gastos ordinarios das confrarías.
A decisión era comunicada polo presidente provincial durante o encontro de traballo que mantivo nesta xornada con representantes da Federación Provincial de Confrarías e con representantes de 22 pósitos.
O sector demandaba estas colaboracións debido ás dificultades que atravesa ante a baixada da produción do marisqueo, principalmente, segundo indican desde a Deputación de Pontevedra.
As choivas do inverno baixaron a salinidade das augas e os lodos e sedimentos arrastrados polas riadas provocaron unha elevada mortaldade do marisco durante a campaña do Nadal, segundo expoñían desde a Federación que preside José Manuel Rosas.
Luis López, acompañado por Marcos Guisasola, deputado de Medio Ambiente, indicaba aos representantes do sector que "temos ou obxectivo de mellorar e escoitar as vosas aportacións porque vós coñecedes vos problemas que vos afectan mellor ca ninguén". Durante o encontro, os integrantes das confrarías das Rías Baixas tamén manifestaron outros problemas actuais que o presidente provincial apuntou para contribuír a buscar solucións.
Relacionadas:
-
O marisqueo a pé da ría concentrarase en Campolongo para reivindicar a dignidade laboral
Por Anxo Lourido & Mónica Patxot |
-
Ata o 22 de xullo non se volverá a mariscar na ría de Pontevedra
Por Oskar Viéitez |
-
A Confraría de Bueu investiu 130.000 euros na mellora da comercialización e servizos da súa lonxa
Por Redacción |
-
"Queremos traballar e non nos deixan", o berro das mariscadoras de Arcade
Por Mónica Patxot & Anxo Lourido |
-
Permitir o rareo do marisco durante o cese de actividade foi "un acto de xustiza coa xente do mar"
Por Redacción |
-
A Federación Provincial de Confrarías solicita ao ISM posibilitar tarefas accesorias do marisqueo a pé durante peches forzosos
Por Redacción |
-
SOS do sector mexilloeiro galego: "Non sabemos que está pasando no mar"
Por Alejandro Espiño |
-
Mar solicita a declaración de zona catastrófica para as rías pola alta mortaldade do marisco
Por Oskar Viéitez |