A antiga gardería de Campelo xa é de propiedade municipal
Por Redacción
Acordo pechado para a compra da antiga gardería de Campelo por parte do Concello de Poio.
O alcalde Ángel Moldes asinou esta mesma semana cos Mercedarios do Mosteiro de San Xoan de Poio a adquisición por un importe de 300.000 euros, o que supón un "aforro importante" respecto o anterior valor, situado nuns 460.000 euros.
Moldes amosou a súa "ilusión e satisfacción" por materializar esta compra "tan necesaria" coa que dotarán o municipio dun centro de día.
"Estamos traballando de xeito intenso e con responsabilidade para avanzar cara novos feitos. A compra deste inmoble era unha oportunidade para ofrecer ás familias un servizo fundamental. Aproveitamos un edificio en desuso para convertelo nun servizo que é moi demandado e necesario e dar resposta a un compromiso que adquirimos cos veciños", afirmou o rexedor.
A parcela da antiga gardería está situada nunha "contorna inmellorable", con boas comunicacións, accesibilidade, ao carón do Centro de Saúde e entre dúas das parroquias con máis poboación. Para Ángel Moldes, "era o momento idóneo para facerse con este inmoble e coa finca para evitar que o edificio continúe deteriorándose".
Agora o alcalde avanzou que o seguinte paso será a adaptación xurídica e urbanística para buscar financiamiento e poñer en marcha un centro de día que "pronto vai ser unha realidade".
Relacionadas:
-
Ángel Moldes fai un balance positivo do seu primeiro ano de goberno: "Poio é máis vivo, dinámico e atractivo"
Por Redacción |
-
O centro de día de Campelo, un pouco máis preto co cambio de uso urbanístico da parcela
Por Redacción |
-
A compra da gardería de Campelo, próximo obxectivo do goberno de Poio
Por Redacción |
-
O Pleno de Poio aproba solicitar un préstamo para pagar facturas pendentes e para comprar a gardería de Campelo
Por Redacción |
-
O goberno local e a oposición fan balance dos primeiros 100 días de mandato
Por Oskar Viéitez |
-
Poio xa tramita a compra da antiga gardería de Campelo para convertela nun centro de día
Por Redacción |