Expoñen un vídeo para denunciar o uso non autorizado de maquinaria pesada nos arredores de petróglifos do Monte Acibal
Por Anxo Lourido
Amil Sen Eólicos e o Colectivo do Vento publicaron en redes sociais un vídeo de denuncia ante o que consideran unha "situación preocupante" no Monte Acibal, no municipio de Moraña.
Estes colectivos contrarios á construción do polígono eólico de Acibal afirman que se están executando traballos non autorizados preto de petróglifos, nunha zona que foi previamente notificada a Patrimonio.
Expoñen que os traballos se realizan entre eses elementos na liña de Alta Tensión do Polígono de Monte Acibal, mentres as obras permanecían paradas. O Tribunal Superior de Xustiza de Galicia paralizaba preventivamente as obras en outubro de 2023.
Desde estes grupos reivindicativos sinalan que a maquinaria pesada se atopa operando ao redor dos petróglifos nun espazo de ao redor de 20 metros respecto a estas pezas históricas. Lembran que a empresa está a incumprir a distancia de protección establecida nunha distancia de 200 metros para elementos destas características.
Os representantes dos colectivos argumentan que esta situación aseméllase ao sucedido coas obras de creación da subestación do Polígono, que provocou "a destrución de varios sen constancia de prospección por parte da empresa ou de Patrimonio".
Reclaman que se paralicen de inmediato as obras e que se investigue estes feitos para determinar unha posible sanción.
ATENCIÓN!
— Amil SEN Eólicos (@AmilSenEolicos) January 18, 2024
Esta é a realidade AGORA MESMO no Polígono Eólico Acibal
Rematando a LAT coas obras do polígono paradas polo @TSXGalicia
Maquinaria pesada a 0m de petróglifos comunicados a @CulturaXunta hai meses sen obter resposta
Inseguridade Xurídica ou INMUNIDADE??#BASTAXA pic.twitter.com/9Rknp8HBPR
Relacionadas:
-
ADEGA presenta a demanda ante o TSXG pidindo a paralización inmediata das obras do parque eólico Acibal
Por Anxo Lourido |
-
O Concello de Barro paraliza a execución dunha plataforma para transporte de aeroxeradores
Por Redacción |
-
Denuncian a aparición dunha pedra de grandes dimensións fóra da zona de obras do polígono eólico de Acibal
Por Redacción |
-
Ao sector eólico preocúpalle a xudicialización da tramitación de proxectos por ser "un tsunami para os investimentos"
Por Oskar Viéitez |
-
Fabiola García destaca que as dúas 'casas do maior' de Moraña "son auténticos dinamizadores da vida do municipio"
Por Oskar Viéitez |
-
'Salvemos o Acibal' analizou os desafíos dos montes galegos ante a irrupción dos parques eólicos
Por Mónica Patxot & Redacción |
-
Multitudinaria mobilización en Amil "contra os gobernos e especuladores"
Por Redacción |
-
Tensión en Barro polo paso sen autorización de transporte especial con material destinado ao parque eólico do Monte Acibal
Por Anxo Lourido |
-
Presentan o Manifesto Acibal "contra o espolio dos nosos montes e os seus bens"
Por Oskar Viéitez |
-
A xustiza suspende de xeito cautelar as obras do parque eólico de Monte Acibal
Por Redacción |