Os Cidade de Pontevedra 2023 recoñecerán a Teresa Abelleira e a Matriuska Producciones
Por Alejandro Espiño
Deporte e cinema daranse a man na entrega dos premios Cidade de Pontevedra 2023, que se fallaron este xoves. A futbolista Teresa Abelleira e a produtora Matriuska Producciones, responsable da película Matria, foron os galardoados nesta ocasión.
Ambas as opcións foron apoiadas pola unanimidade do xurado, a quen o edil de Cultura, Demetrio Gómez, agradeceu o "espírito colaborador" para alcanzar un consenso para pesar do gran número de propostas presentadas pola cidadanía.
O premio a Teresa Abelleira, campioa do mundo de fútbol, que recibirá o Cidade de Pontevedra na categoría de persoa física, débese ao "excepcional resultado deportivo" alcanzado coa selección española e o seu papel como "referente" dentro do fútbol feminino.
"É un orgullo contar con Teresa Abelleira entre nós", sinalou o responsable municipal de Cultura, que tamén destacou a figura desta futbolista pola súa defensa polos dereitos das mulleres "e contra o machismo" dentro e fóra do seu deporte.
Matriuska Producciones, pola súa banda, recibirá o premio Cidade de Pontevedra na modalidade de persoa xurídica. Gómez destacou a "gran traxectoria" desta compañía no panorama audiovisual galego, especialmente en 2023 co éxito da película Matria.
Este filme, rodado en Pontevedra, "puxo no mapa a puxanza do sector cultural da cidade", defendeu o concelleiro de Cultura, sendo a primeira produción audiovisual pontevedresa que se estrea nos festivais de cinema de Berlín e Málaga.
Está, ademais, nomeado aos Premios Goya deste ano, onde opta aos premios á mellor actriz, para María Vázquez, e ao mellor director novel, para Álvaro Gago.
O alcalde, Miguel Anxo Fernández Lores, xa informou a ambos os galardoados, tras a deliberación do xurado, da concesión deste premio, que se entregará no pleno extraordinario que a corporación municipal celebrará o 20 de xaneiro, día de San Sebastián.
Relacionadas:
-
'Matria', 'O monstro e a nena' ou 'A arte de ser mal pai' quedan finalistas para os XXII Premios Mestre Mateo
Por Marisa Ciordia |
-
Pontevedra premia a "unha muller que brilla con luz de seu" e unha empresa que a sitúa "no mapa da cultura"
Por Natalia Puga & Cristina Saiz |
-
VÍDEO.- Teresa Abelleira e Daniel Froiz agradecen o recoñecemento desde a distancia
Por Natalia Puga |
-
RADIO.- E que fai un produtor de cinema?... responde o Premio Cidade de Pontevedra, Daniel Froiz
Por Redacción |
-
Así é "Campioa", o libro sobre Tere Abelleira ilustrado por Tania Solla e creado por Polo Correo do Vento
Por Redacción |
-
Tere Abelleira: "Xa podo dicir que xoguei no estadio da miña cidade"
Por Almu Dapena |
-
"Matria" estará nos Goya 2024: María Vázquez e o seu director, Álvaro Gago, entre os candidatos
Por Alejandro Espiño |
-
Gran acollida no Principal á proxección especial de 'Matria'
Por Mónica Patxot & Redacción |
-
María Vázquez: "Se non tes case para vivir, non tes liberdade para tomar decisións e saír de entornos tóxicos"
Por Alejandro Espiño |
-
"Matria" chega ao Festival de Málaga entre aplausos e o entusiasmo da crítica
Por Alejandro Espiño |
-
Éxito de "Matria" na Berlinale: "Foi unha experiencia de vida que gardo no corazón para sempre", di Álvaro Gago
Por Alejandro Espiño |