90 mulleres foron atendidas no Centro de Información á Muller de Sanxenxo nos primeiros dez meses do ano
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/048/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/657b364f5c-002-mesa-local.jpg)
© Concello de Sanxenxo
O municipio de Sanxenxo rexistraba no último ano o 2,2% dos 1.463 casos de violencia de xénero detectados na provincia, segundo os datos que a Subdelegación do Goberno trasladaba á Mesa Local de Violencia de Xénero de Sanxenxo, que celebraba este martes unha reunión, presidida polo alcalde Telmo Martín.
Segundo os datos facilitados, en ningún dos casos o maltratador ou a vítima son menores de idade.
Nos datos do Centro de Información da Muller reflíctese que, de xaneiro a outubro deste 2023, atendéronse a 90 mulleres. Trátase principalmente de mulleres de entre 25 e 75 anos, con fillos menores ao seu cargo e con estudos medios altos.
O Concello de Sanxenxo presentaba tamén neste marco un protocolo de actuación para a derivación a aloxamentos locais de vítimas de violencia de xénero en casos excepcionais e de urxencia. O gasto será sufragado polas arcas municipais coa intención de garantir a protección da vítima en casos concretos.
Á Mesa Local incorporábanse, por primeira vez, Luz María Fernández de Landa, xuíza decana de Cambados e titular do Xulgado de Primeira Instancia e Instrución número 4 de Cambados; ademais de Catuxa Lagarón, enfermeira do PAC de Baltar.
As dúas novas integrantes expuxeron os seus puntos de vista no ámbito xurídico e de atención sanitaria sobre casos de violencia de xénero. Durante a sesión acordábase incrementar a frecuencia da celebración destes foros para mellorar a coordinación entre os departamentos implicados na atención ás vítimas. A partir de agora terán unha periodicidade trimestral ou semestral.
Relacionadas:
-
Os centros educativos de Sanxenxo conmemorarán o Día da Muller e da Nena na Ciencia
Por Redacción |
-
Sanxenxo pelexará polos fondos europeos coa súa Axenda Urbana
Por Redacción |
-
Que fan eses zapatos vermellos no Paseo de Baltar?
Por Redacción |
-
Sanxenxo conmemorará o 25N con fútbol, un audiovisual e a presentación do punto violeta
Por Redacción |
-
Organizan unha xornada formativa de educación afectiva sexual destinada a familias de Sanxenxo con adolescentes
Por Redacción |
-
Os equipos deportivos de Sanxenxo lucirán brazaletes violetas contra a violencia machista
Por Redacción |
-
Sanxenxo estreará este 25-N un Punto Violeta contra as agresións sexuais e a violencia machista
Por Redacción |