O 'Ice park' do aparcamento de Nauta incorpora un touro mecánico e un posto de algodón de azucre
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/21a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0knKLynJz1WyrgUA_/6571f73b26-1701959897214.jpg)
© Concello de Sanxenxo
![](/web/cache/scene/uploads/fotos/foto/8f5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6571f79070-bosque-de-nadal-2.jpeg)
© Concello de Sanxenxo
Un touro mecánico e un posto de algodón de azucre súmase á oferta lúdica do 'Ice Park' de Sanxenxo este nadal xunto á pista de xeo e a pista americana que está a ser todo un éxito de público no aparcadoiro de Nauta.
Ata o 21 de decembro, o horario, de luns a venres, é de 16 a 24 horas e os sábados, domingos e festivos, de 11 a 24 horas.
A partir do 22 de decembro e ata o 7 de xaneiro o horario irá de 11 a 24 horas.
O prezo é de 7 euros para a pista de xeo e de 4 euros para a pista americana. A programación do Ice Park inclúe ademais concertos e foodtrucks.
NOALLA, PORTONOVO E VILALONGA
Noalla inaugurou este mércores con gran afluencia de público o seu Bosque de Nadal que tamén conta con mercado do Nadal e unha ampla programación onde non faltará nin a visita do Trasno Fantástico, o Apalpador ou Papa Noel nin tampouco o circo de Nelson Quinteiro.
A Asociación Xuvenil A Esmorga leva semanas traballando no bosque para que un ano máis se converta nun motivo máis para visitar Sanxenxo estas festas do Nadal.
En Portonovo a Asociación Rúa dos Viños sorprendeu este ano cun mercado artesanal con propostas únicas e un taller para nenos, do 5 ao 10 de decembro de 12 a 15 horas e de 19 a 22 horas. Non faltarán as propostas musicais ao longo de todas as festas nin os talleres ou os contacontos para os máis pequenos da casa.
En Vilalonga, a Praza Pública converteuse nunha auténtica Aldea do Nadal con talleres, festivais, exposicións e música dentro dunha ampla programación na que se envorcou a Asociación Os Cruceiros de Vilalonga.
Dentro do programa do Nadal, este sábado, ás 17.30 horas, no Pazo Emilia Pardo Bazán, está previsto o espectáculo musical e teatral "Ris nivel" de Baobab Teatro. Ris Nivel está pensado para enredar, rir e bailar, é un espectáculo musical e teatral para os pequenos e pequenas da casa, onde a palabra e as bromas están presentes para levarnos á tradición oral galega.
Relacionadas:
-
Comercios e vivendas de Sanxenxo participan no primeiro concurso de iluminación do Nadal
Por Redacción |
-
Un total de 31 escolares de Sanxenxo participarán na comitiva da Cabalgata de Reis
Por Redacción |
-
O Nadal xa invade as rúas de Sanxenxo
Por Redacción |
-
O Fin de Ano contará cun espectáculo piromusical en Sanxenxo
Por Redacción |
-
Man dura en Sanxenxo para reforzar a seguridade viaria nas festas de Nadal
Por Redacción |
-
Sanxenxo anima a comerciantes e veciños a "deslumbrar" coa súa propia iluminación de Nadal
Por Redacción |