Derrota clara do Waterpolo Pontevedra contra o Iruña (16-7)
Por Redacción
O Club Waterpolo Pontevedra caeu de forma contundente ante o CD Waterpolo Iruña 9802, un dos claros favoritos da categoría e aspirante ao ascenso a División de Honra.
A superioridade do conxunto pamplonica quedou patente desde o inicio de encontro, anotando un parcial de 4-1 que Irene Esteban, de penalti, reduciu ao final do primeiro cuarto.
Tentouse agarrar ao partido o Waterpolo Pontevedra, pero o ataque estaba a ser pouco fluído e, ademais, estaba a resultar imposible deter cada chegada a portería do Iruña, que ampliaba a súa vantaxe e deixaba practicamente sentenciado o encontro ao descanso (9-3).
Despois do paso polos vestiarios, o cadro pontevedrés inentó manter o pulso ao rival, pero a diferenza xa era abismal e as opcións de remontada eran unha utopía.
Cun 13-6 alcanzáronse os minutos finais. As visitantes tentaron dar coa fórmula para deixar de sufrir en defensa, pero o ataque de Iruña seguiu sendo imparable e terminaron cedendo por un contundente 16-7.
Consulta as estatísticas nesta ligazón
Relacionadas:
-
Derrota do Waterpolo Pontevedra en Sevilla (13-9)
Por Redacción |
-
Derrota pola mínima do Waterpolo Pontevedra ante o Turia (12-13)
Por Redacción |
-
Un partido especial para o Waterpolo Pontevedra: "Imos ben pero está a liga moi igualada"
Por Diego Espiño |
-
O Waterpolo Pontevedra dá a sorpresa e supera o líder CN Vallirana nos penaltis (12-14)
Por Redacción |
-
O Waterpolo Pontevedra complícase, pero gaña pola mínima ao CW Elx (10-9)
Por Redacción |
-
O Waterpolo Pontevedra chega vivo ao descanso, pero desínflase no último cuarto (13-8)
Por Redacción |
-
A canadense Capucine Monteil, reforzo para o Waterpolo Pontevedra
Por Redacción |
-
Inicio de liga con vitoria para o Waterpolo Pontevedra contra o Dos Hermanas (14-8)
Por Redacción & Cristina Saiz |