Pontevedra Viva!

Máis +
Partido de Liga Asobal entre o Cisne e o Cuenca disputado no Pavillón Municipal

© Cristina Saiz

Seis amigables para unha pretempada do Cisne que dará comezo o 3 de agosto

Diego

Por Diego Espiño

O Club Cisne Balonmán conta xa os días e as horas para volver á actividade e empezar a preparar a nova tempada deportiva.

Jabato citou aos seus xogadores o vindeiro xoves 3 de agosto para iniciar unha preparación de mes e medio e que contará con ata seis encontros amigables.

Topo para chegar na mellor forma posible ao comezo de liga na División de Honra Prata, que para o Cisne se producirá o 17 de setembro na Municipal fronte ao Unión Financeira Oviedo.

Precisamente o cadro asturiano será ademais un dos adversarios na pretempada, o 18 de agosto nun torneo triangular no que tamén estará o Ademar de León.

Ademais o calendario de preparación inclúe partidos contra o Povoa AC portugués (12 de agosto), a Supercopa Galicia contra o Cangas (27 de agosto) e un choque fronte ao Atlético Novás (30 de agosto). Eses son os encontros xa confirmados, pero tamén está previsto un último partido, aínda por pechar, o día 2 de setembro.

Relacionadas: