Partido da Sociedad Deportiva Teucro

A portería do Teucro colle forma coas renovacións de Miguel Jiménez Pello e Martín Fernández

Por Redacción
Venres 2 de Xuño, 2023 ás 12:48 do Venres 2 de Xuño, 2023

A Sociedad Deportiva Teucro asegura a súa portería cunha dobre renovación.

O club pontevedrés confirmou a continuidade dos seus gardametas Miguel Jiménez Pello e Martín Fernández.

"A súa soa presenza na nosa portería é sinónimo de seguridade e confianza para todo o equipo", sinala o Teucro sobre a renovación de Martín.

RENOVACIÓN | Martín Fernández renova co Teucro.

Hai case un ano chegou ás nosas filas procedente do Balonmán Moaña e estamos moi contentos de ter a Martín un ano máis.

A súa presenza na nosa portería é sinónimo de seguridade e confianza para todo o equipo. #SomosAzuis pic.twitter.com/2GMj2E64Nk
— Lirón Teucro (@sdteucro) May 31, 2023

RENOVACIÓN | Miguel Jiménez Pello continuará un ano máis defendendo a nosa portería.

Seguimos crecendo xuntos.

Noraboa‼️#SomosAzuis #ImosTeucro pic.twitter.com/U5wGej6Ora
— Lirón Teucro (@sdteucro) June 1, 2023

Con eles pasan xa a ser sete os xogadores confirmados para o que será o segundo proxecto teucrista na Primeira Nacional, ao unirse a unha lista na que xa figuraban Caue Herrera, Sergio Blond, Marko Dzokic, Miguel Monteagudo e Xurxo Rivas, ademais da adestradora Irene Vilaboa.