O novo proxecto deportivo da Sociedad Deportiva Teucro na Primeira Nacional empeza a tomar forma.

O primeiro na casa azul está a ser confirmar os xogadores que seguen no equipo e sobre os que se apoiará o plantel co que esperan na entidade dar un paso á fronte a próxima tempada.

Os últimos en renovar foron por unha banda o pivote brasileiro Caue Herrera e por outro o canteirán Sergio Blond.

No que respecta a Caue, o club pontevedrés asegura que "a súa habilidade, a súa dedicación e a súa paixón polo xogo son imprescindibles no noso equipo", mentres que Blond "co seu telanto e dedicación convértese en peza crave do equipo".

RENOVACIÓN | O noso pivote, Cauê Herrera, continuará no Teucro a próxima tempada.

 A súa habilidade no campo, a súa dedicación e a súa paixón polo xogo son imprescindibles no noso equipo.

Jogo bonito e samba na pista. 

#SomosAzuis #ImosTeucro @Caue_Herrera pic.twitter.com/fdJg9VfYB5

— Lirón Teucro (@sdteucro) May 26, 2023

 RENOVACIÓN | O noso canteirán, Sergio Blond, continuará un ano máis defendendo o noso escudo.

 Co seu talento e a súa dededicación convértese en peza clave do equipo.

 Puro ADN teucrista.#SomosAzuis #ImosTeucro pic.twitter.com/V75EtPhbl3

— Lirón Teucro (@sdteucro) May 28, 2023

Con eles dous son xa cinco os xogadores confirmados no Teucro para a próxima tempada, ademais da adestradora Irene Vilaboa, ao unirse Caue e Sergio Blond a unha lista na que xa figuraban Marko Dzokic, Miguel Monteagudo e Xurxo Rivas.