Irene Vilaboa, no partido de Primeira Nacional entre Teucro e Luceros no Pavillón Municipal

Irene Vilaboa continuará como adestradora do Teucro por cuarta tempada consecutiva

Por Redacción
Martes 16 de Maio, 2023 ás 07:17 do Martes 16 de Maio, 2023

Continuidade no banco da Sociedad Deportiva Teucro.

Só unhas horas despois de pechar a tempada do seu primeiro equipo, o club pontevedrés anunciou a renovación de Irene Vilaboa como adestradora para a próxima campaña.

Será o cuarto curso consecutivo de Vilaboa como responsable do banco azul, o segundo que afrontará na Primeira Nacional.

Tras o descenso desde División de Honra Prata, o Teucro afrontou un ano complicado de reestruturación no que acabou pechando a liga sen complicacións pero lonxe dos postos de honra.

Agora, o vicedecano do balonmán nacional dá o primeiro paso para o seu novo proxecto e empeza polos cimentos, renovando á súa adestradora.

"Esta renovación é un paso importante na consolidación e estabilidade do noso club", asegura o Teucro agradecendo o "compromiso e dedicación" mostrada ata o de agora pola preparadora.

RENOVACIÓN | Boa nova para a familia teucrista!

Irene Vilaboa continuará un ano máis dirixindo a bancada azul.

Esta renovación é un paso importante na consolidación e estabilidade do noso clube. pic.twitter.com/fsux6V8rRZ
— Lirón Teucro (@sdteucro) May 15, 2023