A SCD Salcedo denuncia o roubo de portas, chaves de luz e enchufes no campo de fútbol do Casal
Por Diego Espiño
Os amigos do alleo fixeron acto de presenza no campo de fútbol do Casal, en Salcedo.
Así o denuncia a Sociedade Cultural Deportiva Salcedo, entidade que segue usando estas instalacións deportivas á espera de poder contar co proxectado novo campo de céspede artificial na parroquia, e que segue sen finalizrse dous anos despois da cesión de terreos da Mancomunidade de Montes ao Concello de Pontevedra.
Ocorreu a fin de semana, cando ao chegar ao Casal os responsables do Salcedo "levamos unha sorpresa", explican, xa que "nos roubaron dúas portas pequenas, chaves de luz, de enchufe, descolocaron todos os cables de corrente, roto focos e descolgáronos".
Ademais "o máis sorprendente é que tentaron levar o portal grande rompendo o piar", sinala o club.
Os feitos foron postos en coñecemento da Policía Nacional mediante a pertinente denuncia e coa esperanza de poder dar cos responsables.
Relacionadas:
-
A Policía Nacional detén un fuxitivo internacional en Pontevedra
Por Oskar Viéitez |
-
O Salcedo sae á rúa farto de ser "o club máis antigo sen un campo de herba"
Por Almu Dapena & Mónica Patxot |
-
Salcedo, sen campo novo dous anos despois da cesión dos terreos
Por Redacción |
-
O campo de fútbol de Salcedo, unha obra que non ve a luz: "É imposible que se poida utilizar na tempada 2022-23"
Por Redacción |
-
A construción do campo de fútbol de Salcedo comezará antes de final de ano
Por Alejandro Espiño |
-
A COVID devolve a actividade ao campo do Casal, ao que regresan os equipos da SCD Salcedo
Por Diego Espiño |