A construción do campo de fútbol de Salcedo comezará antes de final de ano
Por Alejandro Espiño
O novo campo de fútbol de Salcedo, que se construirá sobre terreos cedidos pola comunidade de montes, será un dos proxectos que o Concello impulse antes de que termine 2021.
A portavoz do goberno municipal, Anabel Gulías, explicou que o expediente sairá a contratación por un importe de 1,13 millóns de euros, que serán financiados con cargo ao convenio coa Deputación de Pontevedra, e terá un prazo de execución de dez meses.
O proxecto deste campo foi deseñado polo estudo de arquitectura Santos e Mera, en colaboración co arquitecto Gustavo Pérez. Será un campo de herba artificial e que terá unhas dimensións de 100 por 58 metros.
Ademais, prevese a construción de varias edificacións para albergar catro vestiarios para os xogadores, dous vestiarios para os árbitros, almacéns e unha bancada elevada.
O Concello fará fincapé, á hora de contratar as obras, en lograr unha maior durabilidade do céspede, establecendo para eles parámetros comparables cos que esixe a FIFA para os terreos de xogo de altas prestacións.
Os trámites administrativos para construír este campo de fútbol, sinalou Gulías, víronse atrasados pola necesidade de solicitar varios informes sectoriais e polas dificultades asociadas pola pandemia da covid-19.
Relacionadas:
-
A SCD Salcedo denuncia o roubo de portas, chaves de luz e enchufes no campo de fútbol do Casal
Por Diego Espiño |
-
O campo de fútbol de Salcedo, unha obra que non ve a luz: "É imposible que se poida utilizar na tempada 2022-23"
Por Redacción |
-
Estudan dotar de herba sintética o campo de fútbol do CEIP Xunqueira 2 e a renovación integral do seu pavillón
Por Diego Espiño |
-
Unha UTE galega construirá o campo de fútbol de Salcedo por 1,48 millóns de euros
Por Alejandro Espiño |
-
As obras do novo campo de fútbol de Salcedo comezarán no verán
Por Redacción |
-
A Deputación aproba o convenio para financiar o campo de fútbol de Salcedo con preto de 1,7 millóns de euros
Por Oskar Viéitez |
-
O Concello recepciona os terreos cedidos para construír o campo de fútbol de Salcedo
Por Redacción |