O gafe do Cisne non ten fin: Iván Calvo deberá pasar polo quirófano
Por Diego Espiño
O mal fario persegue o Club Cisne na que a segunda tempada da súa historia na máxima categoría nacional, a Liga Asobal.
O club pontevedrés está a competir co xusto debido á praga de lesións que arrasa ao seu plantel, e que parece por momentos non ter fin. Nesta ocasión non se trata dunha nova ausencia, pero as novas ao redor da doenza muscular que arrastra Iván Calvo non son boas.
Máis dun mes despois de caer lesionado na cuarta xornada do campionato en León, o especialista defensivo pasou esta semana revisión médica comprobándose que non evolucionou como se esperaba. Por iso, a única opción para superar o forte racho muscular na súa perna, con afectación ósea, é unha operación para a que xa se busca data.
Será a cuarta intervención cirúrxica dun xogador do Cisne esta campaña. O primeiro en pasar por ese transo foi Román Arboleya, cunha rotura nunha falanxe da man, despois foi Marko Ojeda o que sufriu unha rotura do ligamento cruxado do seu xeonllo e por último Gabriel Cavalcanti pasou por quirófano debido a unha fractura nos ósos do nariz.
No caso de Iván Calvo, con este contratempo, non volverá xogar este ano, sendo o seu obxectivo volver estar dispoñible para a volta en febreiro da Liga Asobal tras o parón polo Mundial.
Un problema engadido por tanto para Javier Márquez, que sen Calvo e Cavalcanti viu como o seu equipo resentiuse nas últimas datas sobre todo a nivel defensivo.
Relacionadas:
-
Alejandro Conde, apercibido polo Comité de Competición por desconsideración aos árbitros
Por Diego Espiño |
-
Entradas de público a 15 euros para a esperada visita do Barcelona ao Pavillón Municipal
Por Redacción |
-
Un superior Cangas dobrega o Cisne no derbi galego de Asobal (30-25)
Por Almu Dapena |
-
Un derbi entre Cangas e Cisne entre "as ganas e a necesidade de sumar puntos"
Por Diego Espiño |
-
Acordo entre Cisne e Cangas para unificar o prezo das entradas do derbi
Por Redacción |
-
O Cisne di adeus á Copa do Rei superado polo Ángel Ximénez (24-32)
Por Diego Espiño & Mónica Patxot |
-
Noite aciaga do Cisne ante o Bidasoa no seu regreso ao Municipal (19-28)
Por Diego Espiño & Mónica Patxot |
-
Un mes de novembro sen descanso para o Cisne
Por Diego Espiño |
-
A Liga Asobal volve, por fin, ao Pavillón Municipal
Por Diego Espiño |
-
A coraxe non lle chega ao Cisne para sumar en Puente Genil (34-32)
Por Diego Espiño |
-
As lesións non dan tregua ao Cisne, que volve perder a Cavalcanti
Por Diego Espiño |