Antonio Fernández: "Estivemos moi ordenados e dificultamos moito ao Castilla"
Por Almu Dapena
O Pontevedra CF segue sen saber o que é gañar fóra de casa, e a pesar da derrota deste domingo pola mínima ante o Real Madrid Castilla, o técnico granate admitiu estar "orgulloso" do xogo que realizou o seu equipo aínda que non tivese ningunha ocasión de gol.
"Queriamos facer un partido baseado na orde táctica e minimizar ao Castilla", algo que conseguiu por momentos e viu como se desesperaba ante a falta de acerto para portería.
Para Antonio Fernández era un enfrontamento no que había que traballar e o seu equipo fíxoo. "Creo que hai que estar orgullosos", recoñeceu na rolda de prensa habitual de despois do partido, "estivemos moi ordenados e dificultamos moito ao Castilla. O partido pasaba por iso e fomos fieis".
Con todo despois de moito defender, todo torceuse coa expulsión de Luís Martínez, o Pontevedra quedou cun menos e "fíxose costa arriba". Para o técnico é un fiel reflexo do que ocorreu en Linares, cos seus xogadores facendo un bo papel pero "imos sen carga nos últimos minutos".
E a pesar da derrota, Fernández quita ferro ao asunto, porque o seu equipo vén de gañar na casa e non está tan lonxe da salvación, pide "tranquilidade e seguir traballando", sobre todo para seguir sendo fortes en casa e sacar mellores resultados fóra, porque este ano está a ser complicado e "vainos a tocar ser fortes mentalmente e estar unidos".
Relacionadas:
-
Un Pontevedra camaleónico no táctico testa a súa melloría contra o Fuenlabrada, segundo peor visitante do grupo
Por Manu Otero |
-
Antonio Fernández: "A Copa non se xoga todos os anos, hai que darlle o valor que ten"
Por Diego Espiño |
-
Manresa desborda ilusión para recibir o Pontevedra na Copa do Rei
Por Diego Espiño |
-
Con (case) todos para afrontar o reto da Copa do Rei
Por Diego Espiño |
-
Pasar de rolda na Copa do Rei cotízase caro para o Pontevedra
Por Diego Espiño |
-
A falta de gol a domicilio, un mal que se enquista no Pontevedra
Por Diego Espiño |
-
Arribas sentenza a un defensivo Pontevedra que segue sen gañar fóra da casa (1-0)
Por Almu Dapena |