O Mundial de Ponte de Lima, reto para a armada pontevedresa de piragüismo maratón
Por Redacción
Todo preparado na localidade portuguesa de Ponte de Lima para o Campionato do Mundo de Piragüismo Maratón, que comeza este xoves 29 de setembro e se prolangará ata o domingo 2 de outubro cunha importante presenza de deportistas pontevedreses.
No primeiro día de competición disputaranse as probas júnior e tamén a modalidade de maratón curto (16.15 horas) na que participarán Diego Romero (Breogán do Grove) e Jaime Duro (EP Ciudad de Pontevedra) no C-1, sendo o primeiro un dos aspirantes ao triunfo.
No que respecta ao venres será a quenda para as categorías xuvenil e sub23. Ás 9.05 horas Jaime Duro e Diego Piñeiro (EP Ciudad de Pontevedra) tomarán a saída na proba de C-1 sub23. Pola súa banda Joaquín Iglesias (Piragüismo Verducido) competirá no K-1 Sub23.
A xornada grande será a do sábado 1 de outubro coas regatas individuais da categoría sénior, con Tono Campos (Breogán do Grove) tomando a saída no C-1 como un dos nomes para seguir como actual campión continental (9.30 horas).
Tamén competirán o sábado dous deportistas do Piragüismo Verducido, David Pazos e Anxo García. no seu caso no K-1 de idade xuvenil.
Por último, o domingo competirán as embarcacións dobres, con Tono Campos e Diego Romero (Breogán) no C-2 para defender o ouro mundial logrado a pasada tempada. Tamén competirá a grovense Tania Álvarez no K-2 facendo parella coa lucense Tania Fernández.
Relacionadas:
-
Baño de ouro mundialista para Tono Campos e Diego Romero en C-2 e Tania Álvarez e Fernández en K-2
Por Almu Dapena |
-
Tono Campos faise co bronce no Mundial de Maratón
Por Almu Dapena |
-
Jaime Duro, campión do Mundo sub-23 de piragüismo maratón con Diego Piñeiro terceiro
Por Diego Espiño |
-
Diego Romero e Jaime Duro estréanse no Mundial de Maratón cun dobrete na canoa curta
Por Diego Espiño |
-
O Piragüismo Verducido sobe ao podio no nacional de maratón
Por Redacción |
-
Tono Campos pecha a súa participación no europeo con outro ouro
Por Almu Dapena |
-
Tono Campos proclámase campión de Europa en C-1 de longa distancia
Por Almu Dapena |
-
Os pontevedreses Diego Piñeiro e Joaquín Iglesias, bronce no europeo de Dinamarca
Por Redacción |
-
Tono Campos consegue un bronce no debut do piragüismo galego no europeo de maratón
Por Redacción |