Inñes Mayán, no partido entre Marín Futsal e Móstoles

Novos movementos no Marín Futsal: Inés Mayán segue e Lucía despídese

Por Redacción
Venres 8 de Xullo, 2022 ás 16:58 do Venres 8 de Xullo, 2022

O segundo proxecto do Marín Futsal na máxima categoría do fútbol sala nacional segue collendo forma.

O club marinense anunciou nas últimas horas a renovación de Inés Mayán, unha xogadora que "ten moita importancia para o club" ao ter a confianza de que sexa "ser un referente do equipo en futuras tempadas", sinala a entidade.

"É unha xogadora nova e talentosa cunha marxe de crecemento enorme, cun futuro moi prometedor e o club sábeo e aposta por ela", explicou o Marín Futsal.

Ver esta publicación en Instagram

Una publicación compartida de Marín Futsal (@marin_futsal)

Trátase da sétima xogadora confirmada para a próxima tempada ao unirse a unha lista na que figura a fichada Ale de Paz e as renovadas Silvia Aguete, Café, Adriana García, María León e Pau García.

Doutra banda a entidade da Raña confirmou que Lucía non seguirá no equipo, afirmando que se vai unha futbolista que "será lembrada polo histórico ascenso á máxima categoría nacional".