O Poio Pescamar refórzase coa porteira Elena González e a ala-pivot Laura Uña
Por Redacción
O Poio Pescamar fai oficial a incorporación de dúas novas xogadoras para a próxima tempada. Trátase da porteira Elena González, procedente do Universidad de AlIcante; e Laura Uña, procedente do Ourense Envialia.
A gardameta de 23 anos levaba cinco tempadas no cadro alacantino. Nada en Segovia, leva desde nena practicando este deporte en diferentes equipos da súa cidade natal. Chegou a disputar unha fase de ascenso a Primeira co Unami, pero non foi ata o ano 2017 cando ficha polo Universidade de Alacante para debutar na máxima categoría.
Xa nas filas da UA, chegou a ser convocada pola Selección Española absoluta e era unha habitual nas listas da sub 21.
A chegada de Elena serve para reforzar unha portería que quedou orfa, debido a que a finais da semana pasada o cadro da Seca confirmara a marcha das dúas gardametas do curso anterior: Caridad e Lucía Paz.
Doutra banda, Laura Uña únese ao equipo conserveiro para reforzar a posición de ala-pivot. Nada en Cantabria no ano 1996, Uña formouse no Camargo e o Muriedas da súa rexión. Logo asinou co Ribamontán al Mar co que disputou dúas tempadas en Segunda División antes de dar o salto a Primeira baixo a disciplina do Leganés, co que debutou no 2017. Dous ano máis tarde, recalou no Ourense Envialia, escudo que defendeu durante os tres últimos cursos.
Relacionadas:
-
Irene García renova e convértese na sétima peza confirmada do Poio Pescamar
Por Redacción |
-
Luci Gómez renova co Poio Pescamar e Gaby despídese do Marín FS
Por Redacción |
-
Luis López-Tulla: "Esperamos estar ahí arriba, tenemos una plantilla muy compensada"
Por Almu Dapena |
-
Rocío Gómez é a quinta incorporación do Poio Pescamar
Por Redacción |
-
O Poio Pescamar acelera nas fichaxes e o Marín Futsal, nas renovacións
Por Redacción |
-
Caridad e Lucía Paz deixan baleira a portería do Poio Pescamar
Por Redacción |
-
O Poio Pescamar ficha o adestrador Luis López-Tulla
Por Redacción |