A 'Marea Granate' desborda as previsións para o derbi da Lomba
Por Redacción
O apoio ao Pontevedra Club de Fútbol será importante o vindeiro domingo desde as bancadas da Lomba, que se tinguirán de granate grazas á presenza dun gran número de afeccionados desprazados desde a Boa Vila.
A 'Marea Granate' mobilizouse para a primeira defensa do liderado, coincidindo co derbi ante o Arosa, practicamente esgotando nunha xornada as 300 entradas enviadas inicialmente polo club arlequinado ás oficinas de Pasarón.
Esa alta demanda propiciou o envío de 250 localidades máis, despachándose gran parte delas aínda que sen chegar a esgotar o papel.
A esa cifra haberá que engadirlle os seguidores que acudan pola súa conta a Vilagarcía, ao ser posible adquirir entradas nos propios despachos de billetes da Lomba o propio día do derbi, a un prezo de 25 euros en Tribuna e de 15 euros en Preferencia e os fondos.
O Pontevedra mostrou publicamente o seu agradecemento ao Arosa pola predisposición mostrada nos últimos días á hora de enviar entradas para a afección pontevedresa e tamén por chegar a mover a algún dos seus abonados para permitir que os seguidores granates poidan estar situados nunha mesma bancada.
Agradecemos enormemente la predisposición del @AROSASCOFICIAL a la hora de facilitarnos las entradas y mover a parte de sus socios para que nuestra afición pueda estar unida en una misma grada https://t.co/4q66MvdgB2
— Pontevedra CF (@PontevedraCFSAD) April 13, 2022
Relacionadas:
-
Empate insuficiente para Arosa e Pontevedra nun derbi de alta voltaxe (1-1)
Por Diego Espiño & Cristina Saiz |
-
Entrega da medalla de ouro da cidade para o Arosa SC nun acto que se celebrará o 30 de abril
Por Redacción |
-
Martín Diz, un vilagarcián que se estrea na Lomba... de visitante: "Vai ser especial"
Por Diego Espiño |
-
Ángel Rodríguez pide "afrontar o partido como uno máis" ante o Arosa
Por Diego Espiño |
-
Luisito desembarca no Arosa para o que queda de tempada e unha máis: "Non é unha situación insalvable"
Por Diego Espiño |
-
O Arosa declara o derbi co Pontevedra como "medio día de axuda ao club"
Por Redacción |
-
O Arosa envía ao Pontevedra 300 entradas para o derbi da Lomba
Por Redacción |