Un #DerbiDaRía postconfinamento para o Poio Pescamar e en momento delicado para o Marín Futsal
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O pavillón municipal da Seca será escenario este sábado 19 de febreiro (18.30 horas) do partido de rivalidade na Primeira División Feminina de fútbol sala entre o Poio Pescamar e o Marín Futsal.
As vermellas volven á competición superado un gromo de covid que obrigo a aprazar o seu anterior encontro, fronte ao Burela, e fano mirando no horizonte o reto de meterse na fase final da Copa da Raíña co partido de oitavos de final que debe disputar o día 27.
Esa será en todo caso outra historia e tras as dificultades para adestrar dos últimos días, con xogadoras ausentes e extremando as medidas de seguridade para evitar novos contaxios entre as futbolistas, o equipo volve á competición cun esixente derbi.
Para esta cita o técnico conserveiro conta coa dúbida de Anna Escribano e non poderá contar coa brasileira Jane Marques, pero si coa súa recente fichaxe, Angela Guimarães.
Pero se é un partido importante para o Poio Pescamar, quinto clasificado con 27 puntos, para manterse na pelexa polo play-off polo título, non o será menos para un Marín Futsal que chega ao encontro en mala dinámica.
As xogadoras adestradas por Raúl Jiménez encadean cinco xornadas sen gañar, nas que só sumaron un punto, caendo á undécima praza con 20 puntos. Por ese motivo os puntos antóllanse importantes para poñer terra polo medio cos postos de descenso.
Relacionadas:
-
O Poio leva o #DerbiDaRía con goleada ante o Marín (5-1)
Por Almu Dapena & Cristina Saiz |
-
O Poio Pescamar refórzase coa brasileira Angela Guimarães
Por Diego Espiño |
-
O Marín Futsal volve perder na Raña, esta vez contra o Torreblanca (2-4)
Por Cristina Saiz & Almu Dapena |
-
Competición acepta o aprazamento do partido entre Burela e Poio Pescamar
Por Redacción |
-
Un gromo de covid no Poio Pescamar obriga a solicitar o aprazamento do seu partido de liga en Burela
Por Diego Espiño |