O Cortegada imponse no derbi ante o Arxil (61-63)
Por Cristina Saiz & Redacción
O Club Baloncesto Arxil non puido superar este sábado ao Cortegada no derbi provincial de Liga Feminina 2. As de Vilagarcía impuxéronse con dificultades ao conxunto adestrado por Mayte Méndez, que descende á segunda posición a pesar de estar empatado a puntos co primeiro clasificado, o Almería.
Foi un duelo en grao sumo igualado, chegando ao descanso nun axustado 26-28 que deixaba todo por decidir despois do paso polos vestiarios.
O punto de inflexión chegou despois no terceiro cuarto, cando as verdes desconectaron. Mentres, o Cortegada ampliaba aos poucos a súa renda grazas ás acertadas Gómez e Sdlakova, con 16 e 15 puntos respectivamente.
Tentou saír á boia o Arxil coa habitual Ruth Adams, pero os 23 puntos conseguidos no derbi non foron suficientes para guiar ao seu equipo cara á vitoria. Tampouco Nerea Liste con 11 puntos e 10 rebotes foi capaz de reverter a situación.
E é que os sete puntos de vantaxe que logrou o Cortegada no terceiro cuarto foron suficientes para facerse co triunfo no CGTD. Aínda que as de Mayte Méndez espertaron no último cuarto anotando un parcial de 18-13, non deron coa tecla para reverter a situación e sumaron a súa cuarta derrota da tempada (61-63).
Consulta as estatísticas do partido na seguinte ligazón
Relacionadas:
-
O Arxil brilla en Coruña e faise co derbi (74-90)
Por Redacción |
-
O Arxil perde na prórroga ante o líder Almería (68-76)
Por Redacción |
-
O Arxil gaña o León nun apretado final (75-70)
Por Cristina Saiz & Redacción |
-
Ruth Adams volve lucirse para dar a vitoria o Arxil en Barakaldo (61-70)
Por Almu Dapena |
-
O Arxil segue mandando en liga tras superar o Rosalía (52-59)
Por Redacción |
-
O Arxil liquida pola vía rápida o seu partido fronte ao Ibaizábal (68-47)
Por Redacción & Cristina Saiz |
-
O Arxil non pode co Magec Tías (52-56)
Por Almu Dapena & Cristina Saiz |
-
O Arxil remonta no último cuarto para superar pola mínima o Alhaurín (59-60)
Por Almu Dapena |