Pleno de vitorias para o Cisne nos seus dous primeiros partidos de pretempada
Por Redacción
A preparación da nova tempada en División Honra Prata para o Club Cisne Balonmán pasou por unha fin de semana intensiva con dous partidos amigables que se saldaron con senllas vitorias sobre o Balonmán Chapela e o Aguas Santas.
Fronte aos de Redondela, o equipo branco fixo valer a súa condición de equipo de superior categoría para noquear ao seu rival cun contundente 22-43.
Aínda que o resultado é o menos importante desta primeira toma de contacto, os de Jabato, esta vez guiados polo segundo adestrador, Quiños, mostraron unha imaxe de bloque forte defensivamente e moi activa á hora de atacar.
En plano individual, Mateo Arias foi o xogador máis brillante do Cisne con nove dianas de once tiros lanzados. Tamén destacaron Román Arboleya e Daniel López cun 100% de efectividade nos seus lanzamentos, que se saldaron con cinco goles cada un.
Pola súa banda, o duelo contra Aguas Santas celebrado en Tui foi máis igualado e os da Boa Vila tiveron que sufrir a pesar de que finalmente gañaron por un axustado 28-29.
Con estes partidos o Club Cisne Balonmán empeza a quentar motores de fronte ao comezo de competición, que está previsto para o 26 de setembro contra o Atlético Novás en Pontevedra.
Relacionadas:
-
O Cisne supera con claridade ao AD Sanjoanense portugués no seu terceiro duelo de pretempada (37-30)
Por Redacción |
-
O Cisne quenta motores cos seus dous primeiros partidos de pretemporada
Por Redacción |
-
O Cisne volverá contar un curso máis con André de Moura
Por Redacción |
-
O Cisne renova á súa nova promesa, Daniel Virulegio
Por Redacción |
-
O Cisne ata a unha das perlas da súa canteira: Carlos Álvarez, renovado
Por Redacción |
-
Carlos Pombo confirma a súa continuidade no Cisne
Por Redacción |
-
O Cisne completa a súa portería coa renovación de Juan Novas
Por Redacción |
-
O Cisne renova a un dos seus pesos pesados, Álex Chan
Por Diego Espiño |
-
Andrés Sánchez, en plena recuperación da súa lesión de xeonllo, renova co Cisne
Por Redacción |