Sorteado o calendario da Liga Feminina 2 para Arxil e Cortegada
Por Redacción
O Club Baloncesto Arxil e o AD Cortegada contan xa, a dous meses e medio do inicio da tempada, coa folla de ruta que lles espera na Liga Feminina 2, que esta campaña pasa a ser a terceira categoría nacional.
Tras o sorteo realizado pola Federación Española de Baloncesto, a competición dará comezo o día 2 de outubro con encontros na casa tanto para as pontevedresa como para as arousás, recibindo o Arxil o Alhaurín de la Torre e o Cortegada facendo o propio co Córdoba Patrimonio de la Humanidad.
Tras a estrea, o cadro arxilista deberá afrontar un dobre compromiso a domicilio na cancha do Magec Tías de Lanzarote e do Ibaizábal, antes de volver xogar ante o seu público na cuarta xornada fronte ao Rosalía compostelán.
Pola súa banda o Cortegada viaxará na segunda xornada a Canarias para medirse ao Adareva tinerfeño e na terceira data recibirá na casa o Alhaurín de la Torre.
A Liga Feminina 2 pechará a súa fase regular o 9 de abril cos partidos Arxil-Adareva e Cortegada-Unicaja.
Consulta aquí o calendario completo do Grupo A da Liga Feminina 2 para a tempada 21-22.
Relacionadas:
-
Sufrida vitoria con remontada incluída para o Arxil na visita ao Magectias (50-55)
Por Almu Dapena |
-
O Arxil ponse en marcha coas renovacións de Aldara e Margarita e o regreso de Violeta
Por Redacción |
-
O Arxil apúntase ao 'crowdfunding' para completar o seu orzamento
Por Redacción |
-
O Arxil debutará nunha renovada Copa Galicia co Ulla Oil Rosalía
Por Redacción |
-
O Arxil, molesto pola confección dunha LF2 que lle fará viaxar a Melilla, Canarias e Andalucía
Por Diego Espiño |
-
O Arxil confirma a súa inscrición na liga Feminina 2, na que acumula 21 tempadas
Por Redacción |
-
Aprobados os cambios no baloncesto feminino, co Arxil nunha LF2 que pasa a ser a terceira categoría
Por Redacción |