Luisito, confirmado como novo adestrador do Pontevedra ata final de tempada
Por Diego Espiño
Tres anos despois José Luis Míguez 'Luisito' volve á que foi a súa casa, o Pontevedra Club de Fútbol, para facerse cargo da nave granate nunha situación delicada.
O técnico de Teo foi confirmado este luns como novo adestrador do primeiro plantel pontevedrés, na que será a súa segunda etapa no club.
Luisito foi desde o principio uno dos candidatos para suplir a Jesús Ramos, sentenciado no cargo tras a derrota ante o Zamora que supuxo un cume de urxencia dos dirixentes no Estadio Municipal de Pasarón, aínda que a súa saída non se confirmase oficialmente ata última hora do domingo xunto á sorpresiva dimisión de Roberto Feáns como director deportivo. Non era a primeira vez que o conselleiro poñía o seu cargo ao dispor do club, coa diferenza de que esta vez si se aceptou a renuncia.
En canto ao banco, barallouse unha lista de máis dunha decena de nomes na que tamén figuraba o vigués Rubén Albés, entre outros, pero finalmente o Consello de Administración decantouse por un vello coñecido que ademais casa á perfección coa afección de Pasarón, que lle mantén nunha alta estima.
Non en balde Luisito foi o adestrador do último ascenso dos granates a Segunda B, na tempada 2014/2015, na que chegou xa empezada a liga para relevar a Manu Fernández. Despois mantívose as tres seguintes campañas na categoría de bronce, cun meritorio primeiro curso e unha segunda tempada na que clasificou ao equipo para o play- off de ascenso.
Foi na 17/18 cando todo comezouse a torcer, xa desde o inicio, cunha serie de resultados negativos que fixo ir sempre a remolque ao equipo na clasificación e que ocasionou a súa dimisión na xornada 13 do campionato tras perder en Talavera. A presidenta Lupe Murillo non aceptou entón a renuncia, continuando no cargo ata o parón do Nadal, momento no que a situación se volveu insostible e o club buscou un revulsivo para salvar a categoría e a tempada.
Agora Luisito volve ao principio, a coller ao equipo mediada a liga, pero faio con menos marxe que entón, e é que ao Pontevedra só lle quedan seis partidos para concluír a primeira fase, un tempo limitado para corrixir a situación e tentar pelexar polo terceiro posto, que daría acceso directo a xogar a próxima campaña na nova categoría, a Primeira RFEF.
O primeiro exame non se fará esperar, será o este mesmo mércores 10 de febreiro en Pasarón na visita do Club Deportivo Guijuelo.
Relacionadas:
-
Jesús Ramos desvincúlase do Pontevedra
Por Manu Otero |
-
O efecto Luisito non acaba coa seca do Pontevedra (0-0)
Por Manu Otero & Mónica Patxot |
-
Poucos cambios e foco no balón parado para o redebut de Luisito
Por Manu Otero |
-
Luisito e basta?
Por Manu Otero |
-
Luisito está de volta: "Hai que pelexar cada balón como se fose o último"
Por Manu Otero |
-
Roberto Feáns dimite como director deportivo dun Pontevedra que confirma o cesamento de Jesús Ramos
Por Diego Espiño |
-
Luisito e Rubén Albés soan con forza como candidatos a suplir a Jesús Ramos á fronte do Pontevedra
Por Diego Espiño | Creada e actualizada
-
Cume en Pasarón co futuro de Jesús Ramos no aire
Por Diego Espiño |
-
Interminable caída libre do Pontevedra, superado polo Zamora e a piques de dicir adeus á meta do ascenso (0-1)
Por Manu Otero & Cristina Saiz |
-
VÍDEO.- Luisito despídese "cunha mochila cargada de orgullo" por ter adestrado "a un club inmenso"
Por Diego Espiño & Mónica Patxot |