A Selección Española volve confiar na portería do Poio Pescamar para os amigables fronte a Brasil
Por Redacción
Xusto o día en que o Poio Pescamar empeza a recuperar a normalidade superado o gromo de Covid que afectou o plantel e obrigou a aprazar ata tres xornadas de liga, o conxunto conserveiro recibiu unha boa nova por parte da Real Federación Española de Fútbol.
Esa noticia é a convocatoria das úas dúas gardametas, Silvia Aguete e Caridad García, para a dobre cita amigable que a Selección Española Absoluta afrontará en febreiro ante o combinado nacional de Brasil.
Desta forma Silvia, que nos últimos meses ausentouse das convocatorias da seleccionadora Claudia Pons, regresa á lista superados os seus problemas físicos e únese á súa compañeira no Poio, unha Caridad que vén de ser nomeada a cuarta mellor porteira do mundo.
Ambas, xunto á pontevedresa Jenny Lores, do Ourense Envialia, formarán parte do equipo español que se concentrará do 7 ao 11 de febreiro, é dicir, tras a próxima xornada de liga. Os partidos amigables terán lugar na Ciudad del Fútbol de Las Rozas os días 9 e 10.
OFICIAL | Estas son las jugadoras convocadas por Clàudia Pons para el doble duelo ante Brasil.
— Selección Española Femenina de Fútbol (@SeFutbolFem) February 1, 2021
Los dos encuentros amistosos se jugarán en la Ciudad del Fútbol los días 9 y 10 de febrero.
https://t.co/3yhKnDLtHq pic.twitter.com/Ww9AZ9Rkxk
Con este xute de optimismo, as vermellas retoman esta semana os adestramentos para preparar o seu regreso á competición, pendentes de buscar data para os encontros aprazados e co partido de liga contra o Viaxes Amarelle no horizonte, estando previsto para o sábado 6 de febreiro na Seca.
Relacionadas:
-
Suspendido o dobre España-Brasil para o que foran convocadas Silvia e Caridad, do Poio Pescamar
Por Redacción |
-
O Poio Pescamar prepárase para un maratón de partidos no seu regreso á competición
Por Diego Espiño |
-
Terceiro aprazamento consecutivo para o Poio Pescamar
Por Diego Espiño |
-
O Poio Pescamar pide atrasar uns días o seu partido ante o Cidade das Burgas
Por Diego Espiño |
-
Caridad García conclúe en cuarto lugar na votación do premio a mellor gardameta mundial
Por Redacción |
-
Aumentan os positivos por covid no Poio Pescamar, que cambia a cancha polos adestramentos na casa
Por Almu Dapena |
-
Tres positivos por Covid obrigan a confinar a todo o Poio Pescamar e a aprazar o seu partido contra o Leganés
Por Diego Espiño |