O Poio Pescamar prepárase para un maratón de partidos no seu regreso á competición
Por Diego Espiño
Non serán semanas tranquilas as que esperan a partir de agora ao Poio Pescamar, que esta semana volveu á normalidade de adestramentos e competición superado un gromo de coronavirus no equipo.
Esa circunstancia obrigou a aprazar as tres últimas xornadas de liga, datas que agora debe recuperar e que obrigarán a afrontar un auténtico maratón de partidos, con semanas de tres encontros.
Polo de súpeto as vermellas traballan en recuperar a súa forma física pensando no choque co que volverán ás pistas, o vindeiro domingo 7 de febreiro ás 19.00 horas na Seca fronte ao Viaxes Amarelle, sétimo clasificado do grupo con 6 puntos.
Pese ao parón o Poio mantén aínda o segundo posto da táboa con 19 puntos, lugar que agora deberá defender con uñas e dentes.
En canto aos compromisos aprazados, séguese a traballar en atopar datas, sen que se chegase a un acordo pola dificultade dalgúns rivais de xogar e desprazarse en días laborables, algo que non ocorre nun plantel profesional como o da Seca. Neste sentido o cadro conserveiro debe recuperar os encontros ante Leganés na casa, Roldán fóra e Cidade das Burgas, tamén a domicilio, xunto ás seis xornadas que restan para finalizar a primeira fase da liga.
Este partido en Ourense, o último en aprazarse, era o primeiro previsto para recuperar xa a próxima semana, pero a convocatoria coa Selección Española Absoluta das dúas gardametas do Poio, Silvia Aguete e Caridad, frustrou inicialmente esa posibilidade, antes de coñecerse a cancelación dos amigables fronte a Brasil.
Relacionadas:
-
Axuste no calendario do Poio Pescamar para recuperar as xornadas perdidas pola covid
Por Diego Espiño |
-
Regreso á competición con vitoria para un Poio Pescamar que non sufriu ante o Viaxes Amarelle (2-0)
Por Almu Dapena & Cristina Saiz |
-
O Poio Pescamar recibe o Viaxes Amarelle no seu regreso á competición
Por Redacción |
-
Suspendido o dobre España-Brasil para o que foran convocadas Silvia e Caridad, do Poio Pescamar
Por Redacción |
-
A Selección Española volve confiar na portería do Poio Pescamar para os amigables fronte a Brasil
Por Redacción |
-
Terceiro aprazamento consecutivo para o Poio Pescamar
Por Diego Espiño |
-
O Poio Pescamar pide atrasar uns días o seu partido ante o Cidade das Burgas
Por Diego Espiño |
-
Caridad García conclúe en cuarto lugar na votación do premio a mellor gardameta mundial
Por Redacción |
-
Aumentan os positivos por covid no Poio Pescamar, que cambia a cancha polos adestramentos na casa
Por Almu Dapena |
-
Tres positivos por Covid obrigan a confinar a todo o Poio Pescamar e a aprazar o seu partido contra o Leganés
Por Diego Espiño |