Amargo peche de 2019 para o Peixe Galego con derrota ante o Oviedo (53-73)
Por Almu Dapena
Despedida de ano amarga para o Marín Peixe Galego ante a súa afección. Despois da segunda vitoria conseguida esta tempada a pasada fin de semana ante o Tau Castelló, o pavillón da Raña volvía encherse para recibir ao Oviedo nun partido que estivo igualado ata o terceiro cuarto, momento no que o conxunto asturiano inclinou a balanza ao seu favor grazas á defensa impenetrable para os de Marín.
O partido comezou cos de Javi Llorente cometendo erros en ataque durante os primeiros minutos, que foron aproveitados polo seu rival para afastarse cun parcial de ata 10 puntos que quedou reducido en 9 ao finalizar o primeiro cuarto. Chegaba o segundo e parecía que o Peixe Galego empezaba a mellorar. Noguerol encestaba o primeiro ataque, mentres que Badmus poñía á bancada en pé cun triplo e un tiro de dous que deixaba o marcador reducido en 19-22.
A pesar de conseguir recortar a distancia, os minutos de imprecisión regresaron. Non só para os de Marín, senón tamén para o Oviedo e durante ao redor de 2 minutos ningún dos dous equipos foi capaz de mover o luminoso. Ante esa situación, os visitantes subiron a intensidade do seu xogo e volveron marcar o ritmo do partido e irse en 9 puntos, con todo, o Peixe Galego reaccionou de novo para chegar ao descanso cun resultado de 27-32 e todo por decidir.
Tras o intermedio, a boa defensa realizada polo Oviedo impediu aos de Javi Llorente continuar coa mesma intensidade vista ata o momento. Tanto as canastras como os rebotes tiñan cor visitante e chegaba a máxima vantaxe ata o momento ao finalizar o terceiro cuarto (33-53).
Chegaba a recta final e o Peixe conseguía recortar a diferenza en 11 puntos a falta de 5 minutos para a conclusión do encontro. Con todo, a precipitación nos pases dos de Javi Llorente e a pouca efectividade en coller os rebotes, provocaron que os asturianos volvesen afastarse e e deixar o partido practicamente sentenciado cun contundente 53-73.
Consulta as estatísticas do Marín Peixe Galego-Oviedo Baloncesto na seguinte ligazón.
Relacionadas:
-
O Peixe Galego domina pero cede no último cuarto ante o líder, o Valladolid (69-75)
Por Diego Torrado & Almu Dapena |
-
Filip Toncinic deixa o Peixe e chega Sangone Niang
Por Manu Otero |
-
Desastre tras o descanso do Peixe Galego que lle deixa sen opcións ante o HLA Alicante (65-97)
Por Diego Espiño & Cristina Saiz |
-
Recuperar sensacións, obxectivo do Peixe Galego no peche da primeira volta
Por Redacción |
-
O Palencia cómese ao Peixe Galego (90-58)
Por Manu Otero |
-
O Peixe Galego visita ao Palencia con todo o seu arsenal
Por Manu Otero |
-
A Liga LEB Ouro non para por Nadal para o Peixe Galego, que recibe na Raña o Oviedo
Por Redacción |
-
Agasallo de Nadal en forma de vitoria para o Peixe Galego (80-89)
Por Manu Otero |
-
O Peixe Galego non pode co Almansa e suma unha nova derrota (74-79)
Por Redacción |