Recuperar sensacións, obxectivo do Peixe Galego no peche da primeira volta
Por Redacción
O pavillón marinense da Raña será escenario este venres (21:00 horas) do último partido da primeira volta na Liga LEB Ouro para o Peixe Galego, que recibe o HLA Alicante.
Os de Javi Llorente tentarán recuperar sensacións para lograr a súa terceira vitoria da tempada e recobrar impulso na pelexa pola permanencia na categoría.
O técnico poderá contar con todo o plantel á súa disposición, tras baleirarse a enfermería durante as últimas semanas.
Esa circunstancia, cunha maior rotación en pista, non impediu as dúas derrotas consecutivas coas que chegan á cita os de Marín, que agora si esperan elevar o seu rendemento ante un rival tamén recentemente ascendido pero que transita nunha cómoda novena posición (8-8).
O cadro alacantino presentarase na Raña como máximo encestador da categoría e coa maior porcentaxe de acerto en tiros de dous (54%).
O partido adiántase a este venres ao unificarse a xornada para establecer que equipo acompañará ao Valladolid na Copa Princesa.
Relacionadas:
-
Filip Toncinic deixa o Peixe e chega Sangone Niang
Por Manu Otero |
-
Desastre tras o descanso do Peixe Galego que lle deixa sen opcións ante o HLA Alicante (65-97)
Por Diego Espiño & Cristina Saiz |
-
O Palencia cómese ao Peixe Galego (90-58)
Por Manu Otero |
-
Amargo peche de 2019 para o Peixe Galego con derrota ante o Oviedo (53-73)
Por Almu Dapena |
-
Agasallo de Nadal en forma de vitoria para o Peixe Galego (80-89)
Por Manu Otero |