Pleno de triunfos para o Bádminton Pontevedra en Alacante
Por Redacción
Importante paso o dado esta fin de semana polo Club Bádminton Ravachol Pontevedra en Alacante no seu obxectivo de lograr o ascenso de categoría.
Alí disputábanse as xornadas 4, 5 e 6 da Primeira Nacional, e os pontevedreses fixéronse cos 9 puntos en xogo que lle manteñen a só 3 puntos do liderado.
O Bádminton Ravachol sobrepúxose ás tres importantes baixas de Ana Carbón, Elena Andreu e Miguel Sanluis, que se atopan en Canadá disputando o Campionato de Mundo Júnior, polo que viaxou cun equipo composto por Alejandro Nogueira, Manuel Brea, Iván Darriba, Raquel Miguens, Noelia Gestoso e Natalia Murio, que debutaba na categoría.
O primeiro rival en Alacante foi o Ibiza BC, ao que superaron por un apertado 4-3 grazas ao momento definitivo logrado por Manuel Brea ante Javier Abian.
Despois chegaría o enfrontamento co Jorge Guillén de Málaga, equipo da zona baixa da táboa ao que venceron por un contundente 6-1, pechando a competición o duelo ante o CB Palma, que chegaba como líder e ao que venceron de novo por un disputado 4 a 3.
"Estes nove puntos son clave para o obxectivo do ascenso", recoñeceu o técnico pontevedrés, Jesús Pereiro, colocando ao Ravachol Pontevedra na cuarta posición da clasificación.
A próxima xornada de liga en Primeira Nacional disputarase os días 15 e 16 de decembro na Coruña.
Relacionadas:
-
As opcións de ascenso afástanse para o Bádminton Ravachol
Por Redacción |
-
Dúas vitorias e unha derrota para o Bádminton Ravachol na Coruña
Por Redacción |
-
Positiva experiencia de Bádminton Pontevedra no Máster de Toledo
Por Redacción |
-
O Cidade de Pontevedra de badminton queda na casa cos triunfos de Manuel Brea e Ana Carbón
Por Redacción & Diego Torrado |
-
Debut agridoce do Bádminton Ravachol Pontevedra na liga de Primeira Nacional
Por Redacción |