O Cidade de Pontevedra de badminton queda na casa cos triunfos de Manuel Brea e Ana Carbón
Por Redacción & Diego Torrado
Eran os grandes favoritos e cumpriron coas expectativas. O Club Badminton Ravachol Pontevedra foi profeta na súa propia casa. Os xogadores locais foron os triunfadores da segunda edición do Trofeo Cidade de Pontevedra, disputado este sábado no pavillón de Príncipe Felipe.
O número dous do ránking nacional, Manuel Brea, foi o gañador en categoría masculina, ao superar ao seu compañeiro de equipo, Alejandro Nogueira. Ambos, ademais, impuxéronse nos dobres masculinos, tras gañar a final ante Martin Barbado e Sergio Vidal.
Outra xogadora do Ravachol Pontevedra, Ana Carbón, impúxose na categoría feminina, tras derrotar na final á ourensá Sara Ezquerro. Esta, con todo, quitouse a espiña nos dobres, ao levar o triunfo xunto a Laura Valverde.
Os dobres mixtos foron para Enrique Rodríguez e María Castro, do Club do Mar da Coruña.
Na categoría sub 11, o dominio absoluto foi para o CB A Estrada, co título de individual masculino para Darío Míguez, o de individual feminino para Iziar Barcala e os dobres para a parella formada por ambos os xogadores.
Por parte do club pontevedrés, hai que destacar tamén o terceiro posto de Raquel Miguens, tanto en individual como en dobres mixto formando parella con Miguel Serrano; mentres que en sub-11, tamén se colgou o bronce Pablo Albores en dobres, formando parella co estradense Aron Durán.
No pavillón de Príncipe Felipe xogáronse, en total, 130 partidos.
Relacionadas:
-
Positiva experiencia de Bádminton Pontevedra no Máster de Toledo
Por Redacción |
-
Pleno de triunfos para o Bádminton Pontevedra en Alacante
Por Redacción |
-
O Cidade de Pontevedra de badminton sobe de categoría e xa é un referente galego
Por Alejandro Espiño |
-
Bronce para Raquel Miguens no máster de Cantabria de badminton
Por Redacción |
-
Debut agridoce do Bádminton Ravachol Pontevedra na liga de Primeira Nacional
Por Redacción |