Teresa Portela, ouro en K-1 200 metros nos Xogos do Mediterráneo
Por Alejandro Espiño
Aos seus 36 anos, Teresa Portela volveuno a conseguir. Logrou subir ao máis alto do podio nunha competición internacional e, nesta ocasión, da talla dos Xogos do Mediterráneo 2018, que se están celebrando en Tarragona.
A súa foi unha das catro medallas de ouro que logrou o piragüismo español.
Teresa Portela, que vive os seus segundos Xogos do Mediterráneo, competía nas dúas finais de K1 500 e 200 metros. Ás 10:00 da mañá, dábase a saída á final do medio quilómetro na que a pontevedresa se tivo que conformar cunha cuarta posición.
Lonxe de vir abaixo, corenta minutos despois Portela subía á súa piragua rosa para colgarse a medalla de ouro na final de 200 metros, unha proba na que se viu obrigada a remontar posicións despois dunha mala saída.
Oleeee!!! Contentísima con este ORO . Qué bien saben estos momentos, hummm !!! Lo saborearé muy bien y serán fuerzas extra que tendré estos dos meses que quedan para el Mundial!!… https://t.co/Qm0Q62g4vC
— Teri Portela (@teriportela) June 24, 2018
Tamén logrou o triunfo Roi Rodríguez no K1 500 metros. O de Tomiño nunha rápida regata, na que se mantivo na cabeza desde o inicio de carreira, tivo que lidar co portugués Fernando Pimienta e acabou entrando en meta cunha marxe de 693 milésimas.
Rodrigo Germade, pola súa banda, tamén colgou o ouro xunto a Marcus Cooper no K2 500 metros. A superioridade da parella española, que marcou un tempo de 1:27.907, quedou de manifesto desde o principio. Pasaron polos primeiros 250 metros con 204 milésimas de vantaxe sobre a embarcación de Francia. En meta a vantaxe aumentou a 912 milésimas.
A outra medalla de ouro española da xornada recaeu nas mans do zamorano Carlos Garrote, que derrotou aos seus rivais de forma clara na final de K1 200 metros.
Relacionadas:
-
Os piragüistas pontevedreses, a polo Europeo junior e sub23 de Italia
Por Redacción |
-
Lydia Pérez optará ao bronce nos Xogos Mediterráneos tras caer en semifinais
Por Redacción |
-
Bea Gómez Cortés, cuarta nos 200 estilos, a un paso das medallas nos Xogos Mediterráneos
Por Redacción |
-
Teresa Portela avanza con paso firme cara as medallas
Por Oskar Viéitez |
-
Bea Gómez, Lydia Pérez ou Teresa Portela, representantes da comarca nos Xogos do Mediterráneo
Por Diego Espiño |