Lydia Pérez optará ao bronce nos Xogos Mediterráneos tras caer en semifinais
Por Redacción
A pontevedresa Lydia Pérez Touriño pelexará este mércores pola medalla de bronce nos Xogos Mediterráneos. Farao tras caer en semifinais e quedar a un paso de disputar o combate final polo ouro.
A xornada non comezaba ben para a deportista do Club de Loita Pontevedra, ao perder no seu primeiro combate na categoría de 62 quilogramos ante a turca Elif Yesilirmak. Foi por un contundente 5-0 sobre o tatami do pavillón de Vila-Seca (Tarragona).
Con todo, a pontevedresa repúxose e, no seu segundo duelo, pasou por encima da francesa Sonia Baudin, á que derrotou por 11-0.
Xa pola tarde, a remontada truncábase coa derrota en semifinais ante a tunisiana Marwa Amri. A galega caía por 4-0.
Relacionadas:
-
Lydia Pérez perde o combate polo bronce nos Xogos Mediterráneos
Por Alejandro Espiño |
-
Bea Gómez Cortés, cuarta nos 200 estilos, a un paso das medallas nos Xogos Mediterráneos
Por Redacción |
-
Teresa Portela, ouro en K-1 200 metros nos Xogos do Mediterráneo
Por Alejandro Espiño |
-
Bea Gómez, Lydia Pérez ou Teresa Portela, representantes da comarca nos Xogos do Mediterráneo
Por Diego Espiño |