Bea Gómez Cortés, cuarta nos 200 estilos, a un paso das medallas nos Xogos Mediterráneos
Por Redacción
A nadadora Beatriz Gómez Cortes quedouse a un paso das medallas nos Xogos Mediterráneos que se están disputando na localidade catalá de Tarragona.
A pontevedresa, actualmente nas filas do CN Sabadell, foi cuarta na final dos 200 metros estilos. Completou a proba en 2:14.91, terminando a un segundo e sete décimas da italiana Ana Pirovano, que logrou o bronce. O ouro foi para a española Mireia Belmonte.
Pola mañá, no centro acuático de Campclar, Bea Gómez pasara á final tras ser cuarta na súa serie de semifinais cun tempo similar, 2:15.74.
A de 200 estilos era a única proba na que participaba a pontevedresa na décimo oitava edición dos Xogos Mediterráneos, cuxa clausura está prevista para o próximo 1 de xullo.
Relacionadas:
-
Bea Gómez e María Vilas incorpóranse ao Club Natación Galaico
Por Sofía Lorenzo |
-
Lydia Pérez optará ao bronce nos Xogos Mediterráneos tras caer en semifinais
Por Redacción |
-
Teresa Portela, ouro en K-1 200 metros nos Xogos do Mediterráneo
Por Alejandro Espiño |
-
Bea Gómez, Lydia Pérez ou Teresa Portela, representantes da comarca nos Xogos do Mediterráneo
Por Diego Espiño |