Tres de tres! Águeda Cons consegue no 1.500 a súa terceira medalla de prata no Europeo Junior de natación
Por Diego Espiño
Terceiro día de competición no Campionato de Europa Junior de natación que se está celebrando en Netanya, Israel, e terceiro metal para Águeda Cons.
Acábanse os cualificativos para a nadadora pontevedresa, que parece non ter teito e este venres rebaixou en 13 segundos! a súa mellor marca persoal no 1.500 libre para colgarse a súa terceira medalla de prata no campionato, tras as do 800 e o 400 libre.
Águeda rebaixou en 13 segundos! a súa mellor marca persoal no 1.500 libre
Águeda detivo o cronómetro nun tempo de 16:29.21, segunda con máis de tres segundos de marxe sobre a terceira clasificada, a italiana Giulia Salin (16:32.65). Noutra liga estaba a húngara Ajna Kesely (16:11.25), medalla de ouro nas mesmas probas nas que participou a deportista do Galaico.
Está a ser un Europeo soñado para a pontevedresa, que en cada unha das tres probas que nadou subiu ao podio, rebaixando en todas elas considerablemente a súa mellor marca persoal e logrando incluso un record galego absoluto, no 400 libre.
Aínda que xa non tomará parte en ningunha proba individual máis, Águeda Cons aínda debe afrontar a remuda 4x200 libre antes de despedirse do Campionato de Europa Junior e empezar a pensar no Mundial da categoría que se celebrará en agosto en Indianápolis (EEUU) onde, quen sabe, pode seguir crecendo para confirmarse nunha das grandes promesas da natación nacional.
Relacionadas:
-
Segundo bronce de Águeda Cons para pechar con nota o Mundial Junior de natación
Por Diego Espiño |
-
Bronce! Águeda Cons logra no 800 libre a súa primeira medalla no Mundial Junior de natación
Por Diego Espiño |
-
Águeda Cons estréase no Mundial Junior de Indianápolis cun sexto posto na remuda
Por Redacción |
-
Entretido arranque do Campionato Galego de natación en Pontemuíños
Por Redacción & Mónica Patxot |
-
A piscina de Pontemuíños, lista para acoller a gran cita da natación galega
Por Diego Espiño |
-
VÍDEO.- Cálido recibimento a Águeda Cons tras as súas tres medallas no Europeo Junior de natación
Por Diego Espiño & Mónica Patxot |
-
Águeda Cons brilla con luz propia en Israel e logra a súa segunda medalla no Europeo Junior
Por Diego Espiño |
-
Águeda Cons, subcampioa de Europa junior de natación en Israel
Por Diego Espiño |
-
Águeda Cons afina a súa posta a punto para o Campionato de Europa Junior de Natación
Por Redacción |
-
Brillante papel do Galaico en Xixón rozando o ascenso a División de Honra
Por Redacción |