Segundo bronce de Águeda Cons para pechar con nota o Mundial Junior de natación
Por Diego Espiño
A progresión que está a protagonizar nos últimos meses Águeda Cons parece non ter fin, e así o demostrou unha vez máis na que era a súa última proba do Campionato do Mundo Junior de natación en Indianápolis (EEUU).
A nadadora pontevedresa sumou no 1.500 libre a súa segunda medalla da competición, tamén de bronce, tras a lograda nos 800 libre.
Fíxoo ademais rebaixando sensiblemente a súa marca. Se no Europeo, onde foi prata, baixou 13 segundos o seu mellor rexistro persoal, nesta ocasión Águeda nadou máis de 11 segundos máis rápido para fixar o crono en 16:17.84.
Por diante dela, de novo a húngara Ajna Kesely a pouco máis de dous segundos (16:15.68), polos case 18 nos que lle avantaxou no recente Campionato de Europa. O podio foi o mesmo que na proba de 800, levando o ouro con autoridade a arxentina Delfina Pigniatello (15:59.51).
O seu segundo bronce mundialista supón o broche a unha sobresaliente tempada, con ata cinco metais internacionais, os dous de Indianápolis e as tres pratas europeas, ademais do seu gran papel nos campionatos nacionais.
En canto ao Mundial Junior, a única proba de todas as que nadou a deportista do Galaico na que non logrou meterse na final foi o 400 libre, na que concluíu na décima posición.
Relacionadas:
-
Águeda Cons, incluída no programa nacional de bolsas Podium
Por Diego Espiño |
-
Águeda Cons pon rumbo a Xapón
Por Redacción |
-
Pontevedra, berce de medallistas mundiais
Por Diego Espiño & Mónica Patxot |
-
Recoñecemento nacional a Luisa Domínguez, adestradora de natación do CGTD
Por Diego Espiño |
-
O Galaico, dá a talla no primeiro Campionato Galego de Augas Abertas
Por Redacción |
-
Eleccións no Club Natación Galaico tras a dimisión da súa xunta directiva
Por Diego Espiño |
-
Bronce! Águeda Cons logra no 800 libre a súa primeira medalla no Mundial Junior de natación
Por Diego Espiño |
-
Águeda Cons estréase no Mundial Junior de Indianápolis cun sexto posto na remuda
Por Redacción |
-
Chamamento do Galaico ao Concello para evitar a marcha de Bea Gómez Cortés de Pontevedra
Por Alejandro Espiño |
-
VÍDEO.- Cálido recibimento a Águeda Cons tras as súas tres medallas no Europeo Junior de natación
Por Diego Espiño & Mónica Patxot |
-
Tres de tres! Águeda Cons consegue no 1.500 a súa terceira medalla de prata no Europeo Junior de natación
Por Diego Espiño |