Primeiros movementos no Arosa: Jorge Pérez, Lucas Gallego e Alfonso, non seguen; Aitor Díaz, renova
Por Redacción
Tras o anuncio da contratación de Jorge Otero como novo adestrador, os primeiros movementos na confección do equipo para a próxima tempada non se fixeron esperar no Arosa, e así, comezando pola portería e zona defensiva, o equipo arlequinado anunciou que non contará con Jorge Pérez e Lucas Gallego.
O presidente, Manuel Abalo, foi o encargado de comunicar a decisión da comisión deportiva aos dous xogadores, aos que quixo agradecer sinceramente a súa total implicación co equipo.
Desta maneira, o Arosa prescinde dos dous porteiros que concluían a tempada 2015-2016 no equipo. Dúas persoas con moito arraigamento no club xa que Jorge Pérez foi o gardameta que en máis ocasións defendeu a portería arlequinada e Lucas Gallego procede da canteira, por iso o presidente insistiu en mostrarlles publicamente o seu agradecemento.
Ademais, a defensa arlequinada tampouco contará na tempada que vén co central Alfonso, que comunicou ao presidente a súa decisión de abandonar temporalmente o fútbol para envorcarse nunha empresa de asesoría que recentemente abriu en Padrón. O presidente destacou o comportamento impecable do xogador, que enseguida contactou co club para transmitir a súa decisión e, como aos dous gardametas, agradeceulle o seu compromiso co equipo durante o tempo que formou parte do persoal.
Pero se as baixas protagonizan os primeiros movementos, tamén houbo tempo para unha renovación, a do tamén central Aitor Díaz, primeira renovación comunicada pola comisión deportiva que encabeza Eduardo Carregal.
Relacionadas:
-
Sergio Lloves defenderá a portería do Arosa
Por Ramiro Espiño |
-
Vitra, Manu Justo e Sergio Santos, novas fichaxes do Arosa, que renova tamén a Hugo Soto e Rivas
Por Ramiro Espiño |
-
Fran Matos e Roberto Pazos volven ao Arosa; Sylla, Alberto Cabanyes, Carballa, Marcos e Óscar, renovan
Por Ramiro Espiño |
-
Julio Rey regresa ao Arosa e Eloy Fariña renova. Cardeñosa, Álex Freire e Vixo, baixas
Por Redacción |
-
Jorge Otero presentado como novo adestrador do Arosa
Por Redacción |
-
Piscis deixa de ser o adestrador do Arosa
Por Redacción |
-
O Arosa pecha con empate fronte ao Racing Villalbés (1-1) unha discreta tempada
Por Redacción |