A boa saúde do Club Baloncesto Arxil
Por Diego Torrado
Os anos non pesan ao Club Baloncesto Arxil, que tempada tras tempada empéñase en mostrar a súa boa saúde, a que achegan os seus cada vez máis numerosos equipos inferiores.
O club verde segue apostando pola base, e con esa premisa traballan día a día con equipos en todas as categorías, desde o equipo 'baby' pasando por pre-minibasket, minibasket, infantil, cadete, junior e os dous equipos senior.
Cando só resta un partido para que o máximo expoñente do Arxil, o seu equipo da Liga Feminina 2, acabe a tempada oficial, o club celebrou a tradicional foto de familia no Centro Galego de Tecnificación Deportiva.
Un a un, todos os equipos foron saltando ao parqué antes de pousar xuntas todas as xogadoras, adestradores e directivos da entidade, nunha foto que acredita nada menos que 31 anos de baloncesto feminino na cidade.