Aposta pola continuidade no Arxil para a próxima tempada
Por Redacción
Coa tempada do primeiro equipo recentemente finalizada, desde a décima praza da Liga Feminina 2, a directiva do Club Baloncesto Arxil fai balance do ano e perfila a planificación do próximo curso.
A pesar dunha liga irregular, os dirixentes do club pontevedrés móstranse satisfeitos co rendemento do equipo, aínda que recoñecen erros nas fichaxes de dúas xogadoras estranxeiras, a portuguesa Rosinha Duarte e a australiana Skye Rees. O seu baixo rendemento, que provocou a súa saída do equipo antes de tempo, impediu ás verdes loitar por obxectivos ambiciosos.
Tamén a lesión dunha xogadora clave como Ana Román e a ausencia en tres encontros de Yanique Gordon por problemas de visado lastraron as opcións do conxunto adestrado por Mayte Méndez.
Sen tempo que perder o Arxil pensa xa na próxima tempada, na que se apostará pola continuidade do plantel e "como meta tentaremos fichar dúas ou tres xogadoras", confirma Liño Vázquez, para achegar un salto de calidade.
No banco Mayte Méndez segue sendo a opción porque "pola súa filosofía é a adestradora ideal para nós", explica o coordinador do club.
"Non parece que se vaian producir moitos cambios", recoñece Vázquez, aínda que a complicación volverá a ser cadrar os números ante a ausencia, un ano máis, dun patrocinador principal para o primeiro equipo. Por iso, se a algunha xogadora como Yanique Gordon lle chega unha boa oferta económica será difícil que continúe un ano máis en Pontevedra.
Relacionadas:
-
O Arxil pon en marcha as probas de acceso para a súa canteira
Por Redacción |
-
O Arxil quere loitar polo ascenso
Por Redacción |
-
Primeira rolda de contactos no Arxil para renovar ao plantel
Por Redacción |
-
O Arxil despide a tempada cunha derrota axustada ante o Araski (63-67)
Por Redacción |
-
A boa saúde do Club Baloncesto Arxil
Por Diego Torrado |