O Arxil despide a tempada cunha derrota axustada ante o Araski (63-67)
Por Redacción
Os últimos minutos condenaron ao Arxil no seu partido ante o segundo clasificado, o Araski, co que o equipo pontevedrés despedía a tempada (63-67).
As de Mayte Méndez, tras un primeiro cuarto igualado, víronse por baixo no descanso (23-31) tras un irregular segundo parcial.
Tras o descanso, apoiadas nunha gran defensa, as verdes conseguiron dar a volta ao electrónico para chegar aos dez últimos minutos en vantaxe (45-42).
Foi entón cando o cadro vasco reaccionou para augar a despedida de tempada arxilista nuns últimos minutos nos que se mostraron máis acertadas.
Coa derrota o Arxil termina a liga Feminina 2 na décima praza.
Consulta aquí as estatísticas do partido.