GDKO Ibaizábal aproveita o afundimento do Arxil na segunda parte (70-46)
Por Redacción
Partido de trámite e claro triunfo do GDKO Ibaizábal sobre un Arxil que plantou cara na primeira parte, pero afundiuse na segunda. As de Mayte Méndez pagaron moi caro o seu escaso acerto nos tiros de campo (27%), cun frouxísimo 15 de 46 nos lanzamentos de dous e un máis pobre aínda 3 de 20 nos triplos.
Aínda por riba, o conxunto pontevedrés acusou a escasa achega de varias das súas xogadoras, catro das cales obtiveron valoración negativa, o que unido á súa escaseza de efectivos no banco para as rotacións, trouxo como consecuencia un terceiro cuarto que o equipo vasco aproveitou para deixar en só 5 puntos a anotación das visitantes e resolver o partido.
Os dous primeiros parciais foron igualados, con lixeira iniciativa local (18-16 e 16-14) para chegar ao descanso cun marcador axustado (34-30), pero na segunda parte o Arxil desapareceu da pista e o terceiro cuarto sentenciou o resultado (16-5), para entrar no último parcial con 15 puntos de desvantaxe (50-35).
Non houbo capacidade de reacción nos últimos 10 minutos, que serviron para que CDKO aumentase a diferenza, cun novo parcial favorable (20-11) para terminar impoñéndose con comodidade (70-46).
Relacionadas:
-
A boa saúde do Club Baloncesto Arxil
Por Diego Torrado |
-
Derrota do Arxil nun igualado partido ante o Ciudad de los Adelantados (70-79)
Por Redacción |
-
O Arxil cae ante o Celta incapaz de parar a Ylenia Manzanares (61-69)
Por Redacción |
-
Badaxoz Basket cede na segunda parte ante un serio Arxil (52-74)
Por Redacción |